«Ty ž sam zahadaŭ vyzvalić Ukrainu ad fašystaŭ i nacystaŭ». U Rasii čałavieka buduć sudzić za palityčny aniekdot
U dačynieńni da žychara Razanskaj vobłaści zaviali kryminalnuju spravu ab dyskredytacyi rasijskaj armii z-za apublikavanaha im aniekdota pra adstupleńnie z Chiersona.
Fota: RIA «Novosti»
Vasil Balšakoŭ z horada Kasimaŭ staŭ fihurantam spravy pavodle artykuła ab paŭtornaj «dyskredytacyi» rasijskaj armii, raskazaŭ advakat mužčyny Andrej Kuratnikaŭ.
9 listapada 2022 hoda, u dzień pačatku advodu vojskaŭ z pravabiarežža Dniapra ŭ Chiersonskaj vobłaści, Balšakoŭ apublikavaŭ nastupny post:
«Daŭno ŭžo nie čytaŭ sapraŭdy śmiešnych aniekdotaŭ:
— Siarhiej, a čamu my adstupajem ad Chiersona?
— Vałodzia, dyk ty ž sam zahadaŭ vyzvalić Ukrainu ad fašystaŭ i nacystaŭ…»
Zaraz z-za publikacyi hetaha aniekdota žycharu Razanščyny pahražaje da troch hadoŭ realnaha pazbaŭleńnia voli.
Kamientary