«Ты ж сам загадаў вызваліць Украіну ад фашыстаў і нацыстаў». У Расіі чалавека будуць судзіць за палітычны анекдот
У дачыненні да жыхара Разанскай вобласці завялі крымінальную справу аб дыскрэдытацыі расійскай арміі з-за апублікаванага ім анекдота пра адступленне з Херсона.
Фота: РІА «Новості»
Васіль Бальшакоў з горада Касімаў стаў фігурантам справы паводле артыкула аб паўторнай «дыскрэдытацыі» расійскай арміі, расказаў адвакат мужчыны Андрэй Куратнікаў.
9 лістапада 2022 года, у дзень пачатку адводу войскаў з правабярэжжа Дняпра ў Херсонскай вобласці, Бальшакоў апублікаваў наступны пост:
«Даўно ўжо не чытаў сапраўды смешных анекдотаў:
— Сяргей, а чаму мы адступаем ад Херсона?
— Валодзя, дык ты ж сам загадаў вызваліць Украіну ад фашыстаў і нацыстаў…»
Зараз з-за публікацыі гэтага анекдота жыхару Разаншчыны пагражае да трох гадоў рэальнага пазбаўлення волі.
Цяпер чытаюць
Польшча адкрывае два пераходы на мяжы з Беларуссю, але пакуль з вялікімі абмежаваннямі8
Каментары