MUS šukaje kala 1000 čałaviek za «ekstremisckija złačynstvy». Ale «nie bolš»
Kala 1000 hramadzian aficyjna znachodziacca ŭ vyšuku za «złačynstvy», ździejśnienyja ŭ 2020-m, 2021-m, niekatoryja — u 2022 hodzie. Pra heta ŭ efiry STV paviedamiŭ namieśnik ministra ŭnutranych spravaŭ Hienadź Kazakievič.
«U nas jość praktyčna 1000 hramadzian, jakija aficyjna znachodziacca ŭ vyšuku za ŭčynieńnie kryminalnych dziejańniaŭ na terytoryi Respubliki Biełaruś u 2020-m, 2021-m, niekatoryja — u 2022 hodzie», — skazaŭ jon.
«Heta nie miljony, jak nam paviedamlajuć?» — pierapytaŭ viadoŭca.
«Boža barani. Heta ŭsio hłupstva. Nie bolš za 1000 čałaviek», — adkazaŭ Kazakievič.
Jon dadaŭ, što jość terminy daŭnaści pryciahnieńnia da adkaznaści za administracyjnaje pravaparušeńnie. Ale nie skončylisia terminy daŭnaści pryciahnieńnia da adkaznaści za niekatoryja vidy kryminalnych dziejańniaŭ.
«Hramadzianin, jaki ŭ čymści sumniavajecca, moža aficyjna, u adpaviednaści z ukazam kiraŭnika dziaržavy, źviarnucca ŭ adpaviednuju kamisiju z pytańniem: ci jość pretenzii ŭ zakanadaŭcaŭ? Znoŭ-taki, nie treba błytać heta ź niejkaj indulhiencyjaj, jakuju jon moža atrymać. Heta nie tak», — udakładniŭ jon.
«Ty viarnisia i adkažy za toje, što ty zrabiŭ. Ale pry hetym zakanadaŭca daje mahčymaści dla źmiakčeńnia pakarańnia, dla niejkich rečaŭ, jakija mohuć tak ci inakš ablehčyć dolu voś takoha čałavieka», — rastłumačyŭ jon.
Za miesiac łukašysty dačakalisia «ažno» 23 zvarotaŭ u «kamisiju pa viartańni». Ale jany ich nie ciešać
Cichanoŭskaja: Režymu patrebnyja nie ludzi, a pakorlivyja padatkapłacielščyki
«Biez nacyjanalnaha prymireńnia nam nie zachavać niezaležnaści Biełarusi». Iosif Siaredzič vystupiŭ sa śmiełym adkrytym listom
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova9
Kamientary