Aryna Sabalenka nie razumieje, za što jaje nienavidziać ukrainki
Pierad startam turniru ŭ Majami druhaja rakietka śvietu biełaruska Aryna Sabalenka raspaviała, što ŭ žanočaj raspranalni jana sutykajecca z prajavami nianaviści, piša «Kamsamolskaja praŭda». A ŭ čym pryčyna — nie moža zrazumieć.
Dniami Sabalenka dajšła da finału na turniry ŭ amierykanskim Indyjan-Uełsie, a ŭ adnym z papiarednich raŭndaŭ ukrainka Lesia Curenka admoviłasia vychodzić ź joj razam na kort.
«Mnie było vielmi ciažka, tamu što ja nikoli nie sutykałasia z takoj nianaviściu ŭ raspranalni, — skazała Sabalenka na pres-kanfierencyi. I dalej praciahnuła:
— Mnie vielmi ciažka zrazumieć, čamu tak šmat ludziej sapraŭdy nienavidzić mianie biez pryčyny, prosta biez pryčyny».
Sabalenka skazała, što jana ničoha drennaha nikomu nie zrabiła, ale pry hetym «byli nie toje kab bojki, ale niejkija dziŭnyja razmovy nie ź dziaŭčatami, a z čalcami ich kamandy».
«Ja ŭsio jašče maju znosiny ź niekatorymi ŭkrainkami, ale jość dziaŭčaty, jakija vielmi ahresiŭnyja ŭ adnosinach da nas. Tak što ja prosta trymajusia ad hetaha dalej», — zajaviła jana.
Aryna Sabalenka viadomaja nie tolki svaimi spartyŭnymi pieramohami, ale i tym, što źjaŭlajecca prychilnicaj režymu Łukašenki. Łukašenka niadaŭna navat publična padymaŭ čarku harełki za jaje pieramohu na Australian Open, siedziačy za adnym stałom ź Siarhiejem Ciacierynym i biełym špicam.
«Pad uražańniem ad pačutaha ja prosta mientalna sarvałasia». Ukrainskaja tenisistka nie vyjšła na matč suprać Aryny Sabalenka
«Bali i abdymanki z Łukašenkam — nie palityka?» Spytali ŭ sumlennych spartsmienaŭ, ci varta źniać spartovy ban z Rasii i Biełarusi
«Kryčy, b***». Na BT kamientatara niecenzurna prymušali zaŭzieć za Sabalenku
Navoša: Pieramoha Aryny Sabalenka navat pad niejtralnym ściaham — redkaja nahoda dla samaśćviardžeńnia ludažernaj dyktatury
Łukašenka adznačyŭ pieramohu Sabalenka na Australian Open u kampanii Ciacieryna i špica
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary