Łatvijskaje dziaržaŭnaje akcyjaniernaje tavarystva Latvijas dzelzceļš («Łatvijskaja čyhunka») uviało zabaronu na pieravozku ŭsich hruzaŭ u vahonach invientarnaha parku Biełaruskaj čyhunki, paviedamlaje Supolnaść čyhunačnikaŭ Biełarusi.
Zabarona na pieravozku hruzaŭ była ŭstanoŭlenaja jašče 23 sakavika, ale viadoma pra heta stała tolki siońnia. Zabarona budzie tyčycca i inšych pieravozčykaŭ, jakija arandujuć vahony ŭ Biełaruskaj čyhunki.
Supolnaść čyhunačnikaŭ piša, što hetaja zabarona nie zakranie vahonaŭ «inšych ułaśnikaŭ», što dazvalaje, naprykład, AAT «Biełkalij» praciahvać pieravozki praz Łatviju ŭ svaich ułasnych vahonach.
U toj ža čas heta vyklučaje pieravozku ź Biełarusi naftapraduktaŭ, bo cysterny dla hetaha jość tolki ŭ BČ.
Zrešty, u ciapierašnich abstavinach, jak adznačaje sama Supolnaść biełaruskich čyhunačnikaŭ, hety krok chutčej simvaličny, bo ciapier usio adno lubyja hruzapieravozki ź Biełarusi ŭ Łatviju znachodziacca na histaryčnym minimumie.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary