Pavodle vynikaŭ sustrečy kiraŭnikoŭ Biełarusi i Ukrainy ŭ Kijevie 5 listapada padpisany šerah dvuchbakovych dakumientaŭ, paviedamlaje pres‑słužba ŭkrainskaha prezidenta.
Pavodle vynikaŭ sustrečy kiraŭnikoŭ Biełarusi i Ukrainy ŭ Kijevie 5 listapada padpisany šerah dvuchbakovych dakumientaŭ, paviedamlaje pres‑słužba ŭkrainskaha prezidenta.
U pryvatnaści, u prysutnaści Alaksandra Łukašenki i Viktara Juščanki padpisany miemarandum ab supracoŭnictvie pa realizacyi prajektaŭ u miežach prahramy Jeŭrasajuza «Uschodniaje partniorstva», pratakoł abmienu ratyfikacyjnymi hramatami Konsulskaj kanviencyi pamiž Biełaruśsiu i Ukrainaj, pahadnieńnie pamiž Minskim harvykankamam i Lvoŭskaj abłasnoj administracyjaj ab handlova‑ekanamičnym, navukova‑techničnym i kulturnym supracoŭnictvie. Padpisany taksama mižuradavaje pahadnieńnie ab vyjaznym kirmašovym handli ŭ pryhraničnych rehijonach dźviuch krain tavarami nacyjanalnaj vytvorčaści i pahadnieńnie ab ustanaŭleńni pabracimskich suviaziej pamiž Homielem i Čarnihavam.
Łukašenka prybyŭ va Ukrainu viečaram 4 listapada. Aprača sustrečy ź Juščankam prahrama vizitu praduhledžvaje pieramovy z prem`ier‑ministram Ukrainy Julijaj Cimašenkaj i staršynioj Viarchoŭnaj rady Uładzimiram Litvinam.
Zapłanavany ŭdzieł Łukašenki ŭ cyrymonii adkryćcia Centra biełaruskaj movy i kultury na bazie Instytuta fiłałohii Kijeŭskaha nacyjanalnaha univiersiteta imia Tarasa Šaŭčenki i zakładki pamiatnaha kamienia na miescy budučaha budaŭnictva pomnika Uładzimiru Karatkieviču.
Kamientary