Učastkovyja pravodziać tatalny abychod kvater. Voś jak heta adbyvajecca
Havorka nie tolki pra tych, u kaho byli palityčnyja administratyŭki, i nie pra vyzvalenych palitviaźniaŭ. Mahčyma, havorka idzie pra tatalny pakvaterny abychod davieranych im učastkaŭ.
Pra takija prychody paviedamili adrazu try čytačy «Našaj Nivy» z roznych rehijonaŭ. Ź ich śviedčańniaŭ karcina vymaloŭvajecca nastupnaja.
Učastkovyja nie abšukvajuć kvatery, ale pilna pryhladajucca da pamiaškańnia, u jakoje ich upuskajuć, i da ludziej.
Učastkovyja nie praviarajuć źmieściva telefonaŭ i kampjutaraŭ.
Supracoŭniki milicyi tłumačać svoj vizit nieabchodnaściu «paznajomicca», pakidajuć svaje kantakty. Raspytvajuć ludziej, ci nie nazirajuć jany čahości padazronaha, ci chočuć na niešta źviarnuć uvahu.
Prynamsi častka prosić nazvać numary mabilnych telefonaŭ ludziej, jakija pražyvajuć, zapisvajuć razmovu na videarehistratar.
Pra toje, što «prafiłaktyčnuju pracu buduć pravodzić učastkovyja», pa vynikach narady ŭ Alaksandra Łukašenki 21 sakavika zajaviŭ ministr unutranych spraŭ Biełarusi Ivan Kubrakoŭ.
Nahadajem, što ŭ ciapierašniaj situacyi ŭ krainie pra toje, što ŭčastkovyja robiać abychod kvater, varta raskazać ludziam, jakija nie majuć mahčymaści čytać niezaležnyja ŚMI.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆ
Kamientary