Ź inicyjatyvaj pabudovy pravasłaŭnaj kaplički da miascovych uładaŭ źviarnulisia žychary ahraharadka Razancy Mścisłaŭskaha rajona, piša mogilev.media.
Paśla ŭzhadnieńnia hetaha pytańnia ź miascovaj uładaj i Mahiloŭskaj jeparchijaj u centry ahraharadka vosieńniu minułaha hoda byŭ zakładzieny padmurak pad budučy budynak. Adznačajecca, što svoj układ jak u budaŭnictva, tak i ŭ zbor srodkaŭ unieśli nie tolki deputaty i miascovaje načalstva, ale i pradstaŭniki jeparchii, AAT «Kastryčnik», indyvidualnyja pradprymalniki i, viadoma ž, sami žychary.
Ciapier prapracoŭvajecca kancepcyja dobraŭparadkavańnia terytoryi, prylehłaj da budučaj kaplicy, jaje azielanieńnia, a taksama razhladajecca pytańnie praviadzieńnia dadatkovaha zboru srodkaŭ na hetyja mety. Samo ž budaŭnictva kaplicy praciahniecca, jak tolki nastupiać dla hetaha spryjalnyja pryrodnyja ŭmovy.
Z prajektam kaplicy dapamahło AAT «Kastryčnik» i, u pryvatnaści, namieśnik kiraŭnika sielskahaspadarčaj arhanizacyi Piotr Łaŭnikaŭ, jaki jość idejnym natchnialnikam źjaŭleńnia viaskovaj śviatyni.
Nasieleny punkt Razancy byŭ zasnavany ŭ 1991 hodzie jak pasiołak dla pierasialencaŭ z zony adčužeńnia Čarnobylskaj AES z žyłymi dvuchpaviarchovymi damami i nieabchodnaj infrastrukturaj: darohami, kramami, dziciačym sadam, škołaj, poštaj i miedpunktam. Siońnia tut žyvie 650 žycharoŭ.
«Ja padniaŭ adnaho sa słabavikoŭ — i vypuściŭ jaho na asfalt». Desantnik Rusłan Akostka raskazaŭ, jak adsiedzieŭ 4 hady21
Kamientary