Kiraŭnik Uber padčas ekśpierymientu sutyknuŭsia z prablemami pry vykarystańni prahramy, jaho padmanuli vysokimi čajavymi, svoj dośvied jon zatym nazvaŭ «davoli niazhrabnym». Dyrektar sprabavaŭ daviedacca patreby kiroŭcaŭ praź ich adtok, pišiet RBK
Hałoŭny vykanaŭčy dyrektar servisu taksi Uber Dara Chasraŭšachi minułaj vosieńniu niekalki miesiacaŭ sam prapracavaŭ taksistam pad psieŭdanimam «Dejv K» na ŭžyvanaj šeraj Tesla Model Y, piša The Wall Street Journal.
Usiaho jon ździejśniŭ dziasiatki pajezdak pa San-Francyska. Adnojčy ŭviečary, kali Chasraŭšachi vioz klijenta ŭ aeraport, jamu daviałosia praihnaravać telefonny zvanok ad hałoŭnaha jurysta Uber, jaki sprabavaŭ paviedamić jamu pra chakierskuju ataku na ŭnutranuju sietku kampanii. Adkaznaść za toj uzłom uziaŭ na siabie 18-hadovy školnik. Padčas inšaj pajezdki kiraŭnik Uber zatrymaŭsia ŭ hadzinu-pik u zatory, paśla čaho paabiacaŭ sabie, što bolš nie siadzie za rul u jakaści taksista.
Praca taksistam dla Chasraŭšachi była častkaj kampanii pad kodavaj nazvaj Project Boomerang, kali top-mieniedžary Uber sprabavali lepš daviedacca patreby kiroŭcaŭ. Jak adznačaje WSJ, heta było niečakanym dla kampanii, jakaja zvyčajna nie ličyłasia pryjaznaj da kiroŭcaŭ.
Za čas ekśpierymientu kiraŭnik Uber sutyknuŭsia sa składanaściami pry rehistracyi ŭ jakaści kiroŭcy, asabista pierakanaŭsia ŭ isnavańni «prynady čajavymi» pry dastaŭcy ježy (tip baiting — klijenty dadajuć bujnyja čajavyja taksistu pierad zakančeńniem dastaŭki ŭ nadziei paskoryć jaje, a paśla zaviaršeńnia pasłuhi źnižajuć sumu abo zusim admaŭlajucca pakidać na čaj), a taksama byŭ pakarany mabilnaj prahramaj Uber za admovu ad pajezdak.
«Uvieś dośvied byŭ davoli niazhrabnym», — raspavioŭ Chasraŭšachi. Jon adznačyŭ, što nie moh bačyć punkt pryznačeńnia i mierkavanuju apłatu da pryniaćcia zamovy, kampanija zatym vypraviła hetyja niedachopy.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača29
Kamientary