U Minsku zdajuć pamiaškańni ŭ arendu zadarma, ale ich mała chto choča brać
U Minsku ŭ pradprymalnikaŭ jość mahčymaść uziać niekatoryja abjekty ŭ arendu pad biazvypłatnaje karystańnie, raskazała ahienctva «Minsk-Naviny». Ale popyt na takoje nievysoki — za 5 hadoŭ mały i siaredni biznes uziaŭ u biaspłatnuju arendu tolki 24 biaspłatnyja pamiaškańni.
Ciapier u horadzie prapanujuć 55 izalavanych pamiaškańniaŭ u arendu, płacić za jakija pradprymalniku nie pryjdziecca. Ale jość inšaje važnaje abaviazacielstva — stvareńnie pracoŭnych miescaŭ.
«U biazvypłatnaje karystańnie moža być addadziena nieruchomaja majomaść, jakaja znachodzicca va ŭłasnaści Minska, a taksama haspadarčych tavarystvaŭ, u statutnych fondach jakich bolš za 50% akcyj (dolaŭ) naležyć horadu», — raskazała načalnica adździeła pa vykarystańni dziaržaŭnaj majomaści kamiteta «Minskharmajomaść» Halina Arcimienia.
Zvyčajna takija abjekty nie vykarystoŭvajucca, i ŭ budučyni ŭ bałansatrymalnikaŭ na ich taksama niama nijakich płanaŭ. Čaściej za ŭsio zadarma ŭ arendu prapanujuć pamiaškańni ŭ padvałach, cokalnych pavierchach žyłych damoŭ. Vykarystoŭvać ich možna pad roznyja mety: hałoŭnaje, kab nie było parušeńniaŭ sanitarnych i supraćpažarnych normaŭ.
U toj ža čas, pa infarmacyi Kamiteta dziaržaŭnaj majomaści Minharvykankama, u 2018-2022 hadach było pryniata tolki 24 rašeńni ab pieradačy pamiaškańnia ŭ arendu zadarma. Ahulnaja płošča takich abjektaŭ — amal 3,3 tysiačy kvadratnych mietraŭ, za karystańnie imi stvorana 99 pracoŭnych miescaŭ.
Śpis z dastupnymi abjektami štomiesiac abnaŭlajecca na sajcie Minharvykankama i ŭ adzinaj infarmacyjnaj bazie dziaržaŭnaj majomaści, jakaja nie vykarystoŭvajecca. Tut ža možna daviedacca padrabiaźniej pra stan takich pamiaškańniaŭ. Niaredka jość inšyja ŭmovy «ŭ nahruzku»: naprykład, zrabić ramont, raspracavać prajekt, ustanavić achoŭna-pažarnuju sihnalizacyju, ličylniki. Usie raboty pravodziacca za košt srodkaŭ arandatara biez nastupnaj kampiensacyi vydatkaŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary