U Biełarusi raście kolkaść aŭto ŭ prodažy. Čamu tak adbyvajecca? Tłumačać hulcy rynku
Pośpiech mnohich biełaruskich biznesaŭ ciapier naŭprost zaležyć ad ekanamičnaj situacyi ŭ Rasii. Aŭtamabilny biźnies — nie vyklučeńnie.
Prapanova raście, a što z popytam?
Kolkaść aŭto, vystaŭlenych na prodaž u Biełarusi, istotna vyrasła z nadychodam viasny. Kali ŭ lutym na sajcie av.by pradavałasia kala 48-49 tysiač aŭto, to ŭžo da siaredziny sakavika kolkaść abjaŭ pierasiahnuła adznaku ŭ 50 tysiač. U sakaviku trend na pavieličeńnie aŭto ŭ prodažy praciahvaŭsia. Ciapier u bazie naličvajecca 55 436 abjaŭ. Takim čynam pryrost prapanoŭ usiaho za dva miesiacy skłaŭ kala 15%.
Na «Kufary» taksama nazirajecca pavieličeńnie kolkaści abjaŭ — u miežach 10%.
Hulcy aŭtamabilnaha rynku tłumačać heta ŭ pieršuju čarhu tym, što zaŭvažna pamienšyŭsia popyt na aŭtamabili z boku rasijan, jakija praź niekalki miesiacaŭ paśla pačatku vajny stali asnoŭnymi pakupnikami aŭto ŭ Biełarusi.
«Zvyčajna ŭviesnu na rynku nazirajecca ažyŭleńnie ŭ paraŭnańni ź zimovym pieryjadam, ale sioleta ŭsio adbyvajecca naadvarot. U studzieni nie było zaŭvažnaha prasiadańnia prodažaŭ, jak heta zvyčajna adbyvajecca paśla navahodnich śviat. A voś z nadychodam viasny pryjšło zacišša», — kaža surazmoŭca.
U svaju čarhu, źnižeńnie popytu na kuplu aŭto ŭ Biełarusi z boku rasijan tłumačycca vielmi prosta. Apošnija miesiacy rasijski rubiel zaŭvažna prasiadaje adnosna dalara i jeŭra. Kali ŭ pačatku lutaha adzin dalar kaštavaŭ kala 70 rasijskich rubloŭ, to ciapier užo kala 80.
Pradaŭcy patrymanych aŭto ź Jeŭropy kažuć, što da apošniaha času kala 2/3 mašyn, pryviezienych na prodaž, u vyniku adpraŭlalisia na Rasiju.
«Rasijanie davoli aktyŭna kuplajuć śviežyja aŭto ŭ Biełarusi jašče z 2019 hoda, kali ŭ nas źjaviłasia lhotnaja razmytnioŭka, ale letaś popyt z boku rasijan pavialičyŭsia ŭ niekalki razoŭ. Jany stali nastolki šmat kuplać mašyn, što heta navat paŭpłyvała na vybar marak i madelaŭ».
Praz šalony popyt z boku rasijan pierahonščyki byli vymušany pieraklučacca na tyja madeli, jakija ŭ pieršuju čarhu karystajucca popytam mienavita ŭ RF.
«Jość madeli, jakija kuplajuć tolki biełarusy, a jość i takija, dzie na 90% upeŭnieny, što hetaja mašyna pajedzie na RF».
Pradstaŭnik kampanii, jakaja zajmajecca pryhonam aŭto na zamovu ź Jeŭropy, taksama kaža pra toje, što ŭ apošnija miesiacy popyt z boku rasijan značna prasieŭ.
«U nas byli ŭ pracy klijenty, jakija ŭžo byli hatovyja nabyć aŭtamabil pad zamovu, ale pakolki kurs praciahvaŭ raści, niekatoryja ź ich vyrašali pastavić kuplu na paŭzu i pačakać, kali ich rubiel stabilizujecca. Jany čamuści vierać u heta, choć, jak pakazvaje statystyka, nijakaj stabilizacyi kursu nie adbyłosia i naŭrad ci adbudziecca», — miarkuje śpiecyjalist.
Surazmoŭca vykazvaje zdahadku, što tyja klijenty, chto chacieŭ zamović aŭtamabil, ale ŭ vyniku admoviŭsia, chutčej za ŭsio nabyli mašynu na rasijskim rynku.
«Rasijanie pryzvyčailisia pradavać mašyny za «draŭlanyja», tamu ŭ ich ceny na aŭto, raniej pryviezienyja ŭ Rasiju, nie źmianialisia razam z kursam, a zastavalisia ŭ rublach na tym ža ŭzroŭni. A mašyny, vystaŭlenyja na prodaž u Biełarusi, dla rasijan daraželi praparcyjna sa źmienaj kursaŭ», — tłumačyć śpiecyjalist.
Na dumku surazmoŭca, z časam pakupniki z RF pavinny stać znoŭ bolš aktyŭnymi, bo aŭtamabili, uviezienyja pa starym kursie, kali-niebudź skončacca, a kab pryvieści novyja, im usio adno daviadziecca kuplać valutu pa novym kursie.
Ułaśnik nievialikaha aŭtakamisa taksama adznačaje, što prodažy aŭto značna prasieli ŭ paraŭnańni z kancom minułaha — pačatkam biahučaha hoda. Jon nie ličyć, što letašni popyt adnovicca.
«Takija situacyi, kali popyt na patrymanyja aŭto mocna raście, byvajuć, ale jany davoli chutka zaviaršajucca. Niešta padobnaje my prachodzili ŭ 2010-2011 hadach, kali pierad pavyšeńniem mytnych pošlin da rasijskaha ŭzroŭniu ŭsio namahalisia abnavić aŭtamabil, pakul jość takaja mahčymaść. Toj bum, darečy, byŭ kudy bolš maštabny za hety», — zhadvaje staražył aŭtamabilnaha biznesu.
Aŭtakamisijanier kaža, što ŭ pikavyja miesiacy (druhaja pałova 2022 hoda) mašyny na jahonaj placoŭcy asabliva nie zatrymlivalisia.
«U nas bolš za pałovu mašyn zaŭždy składajuć śviežapryhnanyja aŭto ź Jeŭropy i ZŠA. Kali pradaviec vystaŭlaŭ adekvatny prajs, to mašyna pradavałasia chutka. Na placoŭcy navat byli volnyja miescy.
Praz naš nie samy vialiki aŭtakamis pradavałasia ad 30 da 40 mašyn u miesiac. Ale niedzie ź lutaha prodažy pačali prasiadać.
Užo bližej da kanca sakavika ŭsio miescy na placoŭcy byli zaniatyja, u krasaviku daviałosia stavić mašyny bolš ščylna, čym zvyčajna, kab usie pamiaścilisia», — pryznajecca mužčyna.
Pa jahonych słovach, za niapoŭny krasavik im udałosia pradać tolki 11 mašyn. U sakaviku takich było 17.
«Bolš za dvie traciny mašyn nabyli biełarusy, rasijanie siarod kupcoŭ byli, ale ich stała značna mienš. Pa maich adčuvańniach, my viartajemsia na tyja abjomy prodažaŭ, jakija byli da vajny.
Tady rasijanie taksama składali nie bolš za 20-30% ad ahulnaj kolkaści pakupnikoŭ. A voś ŭ pikavyja miesiacy paśla pačatku vajny bolš za pałovu ździełak było na Rasiju».
«Naša Niva» — bastyjon biełaruščyny
PADTRYMAĆČytajcie taksama:
«Zialonaja karta» chutka ŭsio. Jak buduć afarmlacca strachavyja polisy na aŭto dla vyjezdu za miažu?
«Pradajecca ŭ suviazi ź pierajezdam». Ci šmat biełarusaŭ pradaje mašyny z-za emihracyi?
Źjaviłasia mahčymaść pravieryć aŭtamabil na najaŭnaść DTZ na terytoryi Biełarusi. Daviedalisia, jak heta pracuje
Kamientary