«Savuškaŭ pradukt» zapuściŭ u Pinsku soniečnuju elektrastancyju
«Savuškaŭ pradukt» uvioŭ u ekspłuatacyju soniečnuju mini-elektrastancyju na dachu ŭłasnaha łahistyčnaha centra ŭ Pinsku. Miarkujecca, što jana budzie štohod davać kala 240 tys. kVt h, što robić jaje adnoj z samych efiektyŭnych u krainie.
Pry budaŭnictvie «zialonaj» elektrastancyi vykarystoŭvali 370 sučasnych soniečnych panelaŭ z vysokim KKD, złučanych u łancužki, — pa 15—16 panelaŭ u kožnym. Ich vytvorca — kitajskaja kampanija Einnova Solarline. Moduli płoščaj 2,58 kv. m kožny zrobleny dvuchbakovymi: piarednim bokam prymajuć soniečnyja pramiani ź nieba, a tylnym — užo adbityja.
U jasny dzień mahutnaści kompleksu pavinna chapić, kab zabiaśpiečyć pracu vytvorčaj kampresarnaj. Pryvatnamu žyłomu domu takoj kolkaści elektraenierhii chapiła b na try miesiacy.
Soniečnyja paneli ŭstanoŭlenyja na plaskatym dachu łahistyčnaha centra vytvorčaha filijała kampanii. Dla mantažu raspracavali śpiecyjalnyja sistemy macavańnia, jakija nie parušajuć cełasnaść dachu. Jany dazvolili damahčysia aptymalnaha vuhła nachiłu modulaŭ da haryzontu dla maksimalnaj vypracoŭki elektraenierhii na praciahu hoda.
Kanstrukcyi ŭžo prajšli pravierku na tryvałaść zimovaj niepahadździu i ŭrahannym vietram. Pavodle raźlikaŭ, novy kompleks maje całkam akupicca za čatyry hady.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary