Эканоміка11

«Савушкаў прадукт» запусціў у Пінску сонечную электрастанцыю

«Савушкаў прадукт» увёў у эксплуатацыю сонечную міні-электрастанцыю на даху ўласнага лагістычнага цэнтра ў Пінску. Мяркуецца, што яна будзе штогод даваць каля 240 тыс. кВт г, што робіць яе адной з самых эфектыўных у краіне.

Сонечная электрастанцыя ў Пінску

Пры будаўніцтве «зялёнай» электрастанцыі выкарыстоўвалі 370 сучасных сонечных панэляў з высокім ККД, злучаных у ланцужкі, — па 15—16 панэляў у кожным. Іх вытворца — кітайская кампанія Einnova Solarline. Модулі плошчай 2,58 кв. м кожны зроблены двухбаковымі: пярэднім бокам прымаюць сонечныя прамяні з неба, а тыльным — ужо адбітыя.

У ясны дзень магутнасці комплексу павінна хапіць, каб забяспечыць працу вытворчай кампрэсарнай. Прыватнаму жылому дому такой колькасці электраэнергіі хапіла б на тры месяцы.

Сонечная электрастанцыя ў Пінску

Сонечныя панэлі ўстаноўленыя на пляскатым даху лагістычнага цэнтра вытворчага філіяла кампаніі. Для мантажу распрацавалі спецыяльныя сістэмы мацавання, якія не парушаюць цэласнасць даху. Яны дазволілі дамагчыся аптымальнага вугла нахілу модуляў да гарызонту для максімальнай выпрацоўкі электраэнергіі на працягу года.

Канструкцыі ўжо прайшлі праверку на трываласць зімовай непагаддзю і ўраганным ветрам. Паводле разлікаў, новы комплекс мае цалкам акупіцца за чатыры гады.

Каментары1

  • Бремор
    03.05.2023
    Савушкін прадукт такі сучасны! Хай распавядзе, як выкарыстоўвае рабскую працу палітвязняў на " хіміі" у г.Бярозе на сваёй ферме " Савушкін Луч".

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

У якіх раёнах Беларусі найніжэйшыя заробкі?

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →