Pa infarmacyi «Našaj Nivy», aryšt zdaryŭsia jašče ŭ kancy sakavika.
«Naša Niva» daviedałasia ab zatrymańni Natalli Žłoby — staršaj vykładčycy Minskaha dziaržaŭnaha linhvistyčnaha ŭniviersiteta, jakaja pracavała na kafiedry zamiežnaj litaratury fakulteta anhlijskaj movy (FAM).
Aryšt adbyŭsia ŭ kancy sakavika, i z taho času Natalla znachodzicca ŭ SIZA.
Dakładnaja pryčyna zatrymańnia, jak i numar kryminalnaha artykuła pakul što nieviadomyja, ale havorka pra palityčnuju spravu.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
Dziaŭčynu zatrymali za kamientary. Voś jak jaje adšukali
«Słova hoda dla biełarusaŭ — hodnaść». Vykładčyk Natalla Dulina — pra vyprabavańni i čamu nie treba zdavacca
«Za šeść tydniaŭ daviedałasia bolš, čym za piać hadoŭ univiersiteta». Nastaŭnica z Baranavič pajechała pa abmienie ŭ ZŠA i źmianiła žyćcio
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary