Rehistracyja na centralizavanaje teściravańnie pačynajecca siońnia i zavieršycca 1 červienia.
Dla ŭdziełu ŭ centralizavanym teściravańni abituryjent moža albo padać zajavu ŭ elektronnym vyhladzie na sajcie RIKV, albo moža heta zrabić, pryjšoŭšy ŭ adzin z punktaŭ rehistracyi, piša BiełTA.
Sioleta ich 41, śpis ustanoŭ i ŭsie instrukcyi jość na sajcie Respublikanskaha instytuta kantrolu viedaŭ. Pry sabie treba mieć dakumient (kopiju dakumienta), jaki paćviardžaje asobu ci inšy anałahičny dakumient.
Da 1 červienia abituryjent pavinien zabrać propusk. Tyja, chto zapaŭniaŭ elektronnuju formu na sajcie RIKV, zmohuć zrabić heta ŭ punkcie prachodžańnia CT. Astatnija — asabista ŭ punkcie rehistracyi.
Rehistracyju na CT možna ličyć zavieršanaj tolki paśla atrymańnia propuska.
Abituryjent, jaki budzie prachodzić sioleta centralizavany ekzamien pa dvuch pradmietach, moža zarehistravacca na CT tolki pa adnym pradmiecie. Maładyja ludzi, dla jakich CE sioleta nie praduhledžany, majuć prava prajści CT pa troch pradmietach.
Zarehistravacca dla prachodžańnia CT u reziervovyja dni možna budzie z 1 pa 6 lipienia.
Centralizavanaje teściravańnie pačniecca 14 červienia ź biełaruskaj movy i zavieršycca 4 lipienia suśvietnaj historyjaj. Matematyka — 20 červienia, zamiežnaja mova — 24 červienia. Reziervovymi dniami praduhledžany 11, 13 i 15 lipienia.
Čas pačatku CT u asnoŭnyja i reziervovyja dni — 11:00.
Padrabiaznuju infarmacyju možna znajści na sajcie RIKV.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič18
Kamientary