Łukašenka pryjazdžaŭ u «lečkamisiju», prabyŭ tam dźvie hadziny
Pavodle infarmacyi kanała «MatolkaPamažy», siońnia ŭ rajonie 19:00 Łukašenka pryjechaŭ u «Respublikanski kliničny miedycynski centr», jaki znachodzicca na bierazie vadaschovišča Drazdy. Hetuju ž infarmacyju paćviardžaje i «Jeŭraradyjo» sa spasyłkaj na svaich čytačoŭ.
Paviedamlajecca, što ŭ momant jaho pryjezdu padjezdy da balnicy byli pierakrytyja, a ŭzdoŭž daroh stajali siłaviki. Paśla prajezdu kartežu Łukašenki ŭsie prajezdy adkryli.
Paśla «MatolkaPamažy» paviedamiŭ, što Łukašenka prabyŭ na terytoryi balnicy kala dźviuch hadzin. Jon pakinuŭ terytoryju Respublikanskaha kliničnaha miedycynskaha centra kala 21:00 i kala 21:20 užo zajazdžaŭ u Astrašycki Haradok.
Apošni tydzień Łukašenka jaŭna maje niejkija prablemy sa zdaroŭjem. 5 maja, uručajučy ŭznaharody pradstaŭnikam represiŭnaha aparatu, jon byŭ asipły. Paśla ž vymušany byŭ asabista naviedać parad u Maskvie 9 maja, vyhladaŭ vielmi kiepska i nie zmoh navat prajści samastojna 300 mietraŭ razam z Pucinym i inšymi jaho haściami z Krasnaj płoščy da Alaksandraŭskaha sadu. Uviečary jon jašče zmoh paprysutničać na ŭskładańni kvietak na płoščy Pieramohi ŭ Minsku, ale ŭračystuju pramovu havaryŭ za jaho ministr abarony Viktar Chrenin. Paśla taho na publicy Łukašenka nie źjaŭlaŭsia, mierapryjemstvy ź jaho udziełam byli admienienyja.
U toj ža čas aficyjna pra jaho chvarobu ničoha nie paviedamlałasia. Prapahanda nijak nie kamientavała źniknieńnie Łukašenki i jaho chvaravity vyhlad. Pres-słužba Łukašenki, jakaja viadzie kanał «Puł pieršaha», apošnija dni publikuje abstraktnyja rečy, nie pakazvajučy svajho načalnika. Naturalna, heta nie moža nie sparadžać raznastajnych čutak.
U kołach namienkłatury ličać, što ŭ Łukašenki virus, tamu što adnačasova ź im zachvareli jašče niekalki nabližanych
Pres-słužba Łukašenki apublikavała videa zajca la Pałaca Niezaležnaści. Što pra heta kažuć narodnyja prykmiety?
Łukašenka nie vystupiŭ z pramovaj na płoščy Pieramohi ŭpieršyniu za čas svajho kiravańnia
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary