Rasija pavinna vyvieści vojski z Ukrainy, jak SSSR z Afhanistana — Kałas
Premjer-ministarka Estonii Kaja Kałas zajaviła, što Rasija pavinna vyvieści vojski z Ukrainy hetak ža sama, jak jana vyvieła vojski z Afhanistana ŭ 1980-ch hadach. Kałas ličyć, što vajna va Ukrainie skončycca tolki tady, kali rasijskija vojski syduć.
Kaja Kałas zaklikała krainy ES praciahvać padtrymlivać Ukrainu, kab dać zrazumieć kramloŭskim pravadyram, što jany nie mohuć pieramahčy, piša Politico.
Kałas vykazała svajo rasčaravańnie lidarami ES, mienš prychilnymi spravie abarony Ukrainy, praŭda, nie nazvaŭšy ich. Taksama jana vykazała mierkavańnie, što było b lepš, kali b Kitaj byŭ na baku Zachadu va ŭstalavańni miru ŭ rehijonie.
Kałas ličyć, što važna jasna dać zrazumieć — u hetym kanflikcie jość adzin ahresar i adna achviara, i razmyvańnie miežaŭ nie dapamoža.
Kamientary