V.a. kamandzira «Azova» prapanavaŭ vajennuju apieracyju Ukrainy ŭ Biełarusi
Vykanaŭca abaviazkaŭ kamandzira bryhady «Azoŭ» Bahdan «Taŭr» Kratevič apisaŭ mahčymy scenar vajennych dziejańniaŭ suprać Biełarusi
U razmovie na ŭkrainskim Radyjo NV, akramia stanovišča na froncie i padrychtoŭki da kontrnastupleńnia, było zakranutaje i pytańnie Biełarusi.
Ukrainski kamandzir ličyć, što Ukraina nie moža adčuvać siabie biaśpiečnaj, pakul na biełaruskaj terytoryi bazujucca rasijskija vojski i pahroza ź jaje navisaje na ŭsiu poŭnač krainy.
«Kali ty chočaš źniščyć praciŭnika, spačatku źniščy jaho sajuźnikaŭ. U nas jość vielmi pryhožaja kraina jak Biełaruś i, da słova, jość lehitymny prezident. Heta Cichanoŭskaja. I jana moža prosta zakonna vydać zahad dapamahčy joj vyzvalić jaje krainu. Jana prosta daść zahad i ŭsio», — dapuskaje Kratevič.
Vykanalnik abaviazkaŭ kamandzira bryhady «Azoŭ» miarkuje, što biełarusy buduć u bolšaści svajoj vitać vyzvaleńnie ad režymu Alaksandra Łukašenki i dapamahać ukrainskaj armii.
«Kali my budziem zachodzić uzbrojenymi siłami (nie viedaju, moža, Polšča nam u tym dapamoža), 90 pracentaŭ nasielnictva prosta padtrymaje i ŭkrainskija, i polskija vojski. A astatnija ci źbiahuć, ci składuć zbroju, — miarkuje Kratevič.
— Tamu što ja da siońnia liču, što ŭ nas front prachodzić pa miažy ź Biełaruśju i Rasijaj, a ŭžo dalej idzie pa miažy z akupavanymi terytoryjami».
Major Bahdan Kratevič padkreśliŭ, što heta jaho ŭłasnaje mierkavańnie, a nie mierkavańnie kamandavańnia ci ŭładaŭ Ukrainy.
Čytajcie jašče:
Kalinoviec raskazaŭ, čamu demabilizavaŭsia paśla hibieli «Vołata» i što było paśla
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary
Nakont astatniaha bzdura, i da taho ž całkam nievykanalnaja
I nakont 90% radasnych sutrakajučych čužoha (jak nie pavaročvaj, ale - čužoha) vojska ... Zdajecca Miedviedčuk toje samaje nasikaŭ u vuški Pucina ŭ svoj čas