Rašeńnie ab ekstradycyi Safii Sapiehi pieradali ŭ sud Smalenska
Takoje rašeńnie sud pryniaŭ u suviazi z tym, što apošniaje miesca rehistracyi dziaŭčyny na terytoryi RF — Smalensk.
Preśnienski sud Maskvy nakiravaŭ na razhlad u sud Smalenska pradstaŭleńnie Fiederalnaj słužby vykanańnia pakarańniaŭ ab pieradačy asudžanaj u Biełarusi hramadzianki RF Safii Sapiehi dla adbyćcia pakarańnia ŭ Rasiju, piša «Sputnik».
«Sprava pieradadziena dla razhladu ŭ Pramysłovy rajonny sud Smalenska», — udakładnili ŭ sudzie.
Rašeńnie źviazana z tym, što ŭ Smalensku znachodzicca apošniaje miesca rehistracyi Sapiehi na terytoryi RF. Raniej paviedamlałasia, što spravu mahli razhladać va Uładzivastoku, tak jak apošniaje aficyjnaje miesca pražyvańnia dziaŭčyny — vostraŭ Ruski.
Nahadajem, Safija Sapieha była zatrymanaja 23 maja 2021 hoda ŭ minskim aeraporcie paśla prymusovaj pasadki samalota Ryanair Afiny — Vilnia.
6 maja 2021 hoda sud u Hrodnie prysudziŭ jaje da šaści hadoŭ kałonii ahulnaha režymu pa artykułach ab naŭmysnych dziejańniach pa raspalvańni sacyjalnaj varožaści, a taksama ab niezakonnym zbory i raspaŭsiudzie źviestak ab pryvatnym žyćci siłavikoŭ, sudździaŭ, prakurorskich rabotnikaŭ, čynoŭnikaŭ, što paciahnuła škodu paciarpiełym.
Ciapier Sapieha adbyvaje pakarańnie ŭ homielskaj žanočaj kałonii.
Raman Pratasievič byŭ asudžany 3 maja 2023 hoda da vaśmi hadoŭ kałonii ŭzmocnienaha režymu. 22 maja jaho pamiłavaŭ Łukašenka.
Kamientary