Jak paviedamiŭ nśpiektar adździaleńnia ahitacyi i prapahandy abłasnoj DAI Ilja Pomin, avaryja adbyłasia 18 listapada ŭ 18.05 na darozie Maleč — Horsk niepadalok ad vioski Horsk.
Aŭtamabilem, kiroŭca jakoha ź miesca DTZ uciok, byŭ učynieny najezd na 14‑hadovuju miascovuju žycharku, jakaja ruchałasia ŭ sustrečnym kirunku na rovary. Ad atrymanych traŭm jana pamierła na miescy zdareńnia.
Śledča‑apieratyŭnaja hrupa vyjaviła vinavataha ŭ DTZ — heta 25‑hadovy žychar Biarozy, jaki kiravaŭ aŭtamabilem «Folksvahien‑Transparcior». Padčas vykanańnia płana «Pierachvat»
u hety ž dzień u 22.30 aŭtamabil i kiroŭca byli znojdzieny ŭ lasnym masivie blizu vioski Borki.
Śledčym adździaleńniem Biarozaŭskaha RAUS raspačata sprava na padstavie č. 2 art. 317 Kryminalnaha kodeksa (parušeńnie pravił darožnaha ruchu ci ekspłuatacyi transpartnych srodkaŭ). Kiroŭca zatrymany.
Z pačatku 2009 hoda na darohach Bresckaj vobłaści zafiksavana 83 DTZ z udziełam dziaciej, u jakich siem niepaŭnaletnich zahinuli i 82 atrymali traŭmy roznaj stupieni ciažkaści.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»5
Kamientary