«Najbolš efiektyŭny mietad karekcyi». Minzdaroŭja prakamientavała prymusovaje lačeńnie piedafiłaŭ
Na sajcie Ministerstva achovy zdaroŭja apublikavali padrabiaznaści zaćvierdžanaha Saŭminam kliničnaha pratakoła prymusovaha lačeńnia piedafiłaŭ.
Jak piša pres-słužba Ministerstva achovy zdaroŭja, hety dakumient uklučaje ŭ siabie jak miedykamientoznyja, tak i psichaterapieŭtyčnyja mietady lačeńnia piedafilii, i ŭdakładniaje, što najbolš dziejsny mietad — chimičnaja kastracyja.
«Najbolš efiektyŭny siońnia mietad karekcyi anamalnych formaŭ seksualnaj ciahi, u pryvatnaści, piedafilii, — antyandrahiennaja terapija, jakaja dazvalaje źnizić recydyvy seksualnaj złačynnaści za košt źnižeńnia ŭzroŭniu testasteronu, što ahułam źnižaje i ŭzrovień kryminalnaj ahresii», — kamientuje Ministerstva achovy zdaroŭja.
Pa słovach viedamstva, antyandrahieny, jakija prymianiajucca pry chimičnaj kastracyi, uchvalenyja dla lačeńnia seksualnych złačyncaŭ «bolš čym u 20 krainach, u pryvatnaści, u ZŠA, Kanadzie, krainach Jeŭrasajuza, šerahu krain Blizkaha Uschodu».
«Važna adznačyć, što, u adroźnieńnie ad chirurhičnaj kastracyi, jakaja vyklikaje niezvarotnyja źmieny i krytykujecca šeraham mižnarodnych pravaabarončych arhanizacyj, antyandrahiennaja terapija — heta sučasny i efiektyŭny mietad, jaki dazvalaje kantralavać patałahičnyja formy seksualnaj ciahi i pavodzin», — pišuć u pres-relizie.
Učora pa inicyjatyvie Hienieralnaj prakuratury byŭ zaćvierdžany płan mierapryjemstvaŭ pa abaronie dziaciej ad seksualnaha hvałtu i ekspłuatacyi. Jon praduhledžvaje ŭviadzieńnie chimičnaj kastracyi piedafiłaŭ. Adnačasova pad šumok upieršyniu ŭviali taksama adkaznaść za «prapahandu nietradycyjnych seksualnych adnosin» i biaździetnaści na ŭzor taho, što isnuje ŭ Rasii. Hetyja normy lohka mohuć być vykarystanyja dla pieraśledu pradstaŭnikoŭ ŁHBT i adzinokich ludziej.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary