Kreml zabaraniŭ rehijonam publikavać niekrałohi zahinułym va Ukrainie rasijskim vajskoŭcam
Rehijony z najbolšymi stratami padčas bajavych dziejańniaŭ va Ukrainie pierastali publikavać infarmacyju pra śmierć vajskoŭcaŭ paśla adpaviednaha patrabavańnia Kramla. Tak zrabili ŭ Tyvie, Buracii, Vałahodskaj vobłaści, Krasnadarskim krai i inšych subjektach, piša «Viorstka» sa spasyłkaj na krynicy, blizkija da rehijanalnych uładaŭ.
Pra rašeńnie schavać niekrałohi taksama raskazaŭ vysokapastaŭleny pradstaŭnik rasijskaha parłamienta. «Była aściaroha, što [heta] pryviadzie da chvalavańniaŭ [u hetych rehijonach]», — rastłumačyŭ adzin z surazmoŭcaŭ.
Taksama, pavodle zadumy Kramla, adsutnaść niekrałohaŭ pieraškodzić žurnalistam vieści niezaležnyja padliki kolkaści zahinułych.
Zamiest paviedamleńniaŭ pra hibiel žycharoŭ rehijonaŭ na vajnie Kreml prapanavaŭ hubiernataram publikavać pazityŭnyja naviny: pra dapamohu siemjam vajskoŭcaŭ i vajennyja pośpiechi.
«Znajści takija naviny nie tak składana: pryvioz voz z humanitarkaj ci adkryŭ dziciačy sad dla dziaciej mabilizavanych — voś u ciabie i pazityŭnaja navina», — adznačyła krynica.
Pry hetym niekatoryja hubiernatary praciahvajuć publikavać paviedamleńni ab hibieli vychadcaŭ sa svaich rehijonaŭ. Naprykład, kiraŭnik Sachalina Vasilij Limarenka 19 červienia paviedamiŭ pra hibiel dvaich sachalincaŭ.
Sa słoŭ krynicy ŭ parłamiencie, patrabavańnie Kramla tyčyłasia nie ŭsich rehijonaŭ. «Ci, dakładniej, niekatoryja ź ich atrymali strohija instrukcyi — u kaho situacyja napružanaja ci šmat zahinułych. Astatnija — nie», — adznačyŭ surazmoviec.
Pa padlikach Ruskaj słužby Bi-bi-si i «Miediazony», da ciapierašniaha momantu paćvierdžanyja straty Rasii ŭ vajnie suprać Ukrainy skłali 25,5 tys. čałaviek. Adnak pa najbolš kansiervatyŭnych acenkach Rasija mahła stracić i 50 tys. čałaviek zahinułymi, a biezzvarotnyja straty z ulikam tych, chto vybyŭ sa stroju pa pryčynie ranieńniaŭ, mohuć składać kala 225 tys. čałaviek.
Apošni raz Minabarony RF paviedamlała pra ahulnuju kolkaść strat u vieraśni 2022 hoda. Tady viedamstva zajaŭlała pra 5937 zahinułych. Paśla hetaha Minabarony paćvierdziła hibiel jašče 162 čałaviek.
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku11
Kamientary