Fota: OceanGate
Telekanał Sky News, jaki sumiesna z mnohimi inšymi suśvietnymi miedyja viadzie žyvuju tranślacyju vyratavalnaj apieracyi ludziej z batyskafa «Tytan», u čaćvier ranicaj sa spasyłkaj na bierahavuju achovu ZŠA paviedamiŭ, što zapas kisłarodu ŭ ekipaža sudna skončycca ŭ 12:08 pa brytanskim časie (u 14:08 pa Minsku).
Heta značyć, što ekipaža z 5 čałaviek, pra jakich my pisali raniej, ciapier užo niama ŭ žyvych.
Nahadajem, što ŭ niadzielu 18 červienia kamanda ź piaci turystaŭ, u liku jakich taksama byŭ kiraŭnik kampanii Ocean Gate (jakoj i naležyć batyskaf «Tytan») apuścilisia na vialikuju hłybiniu ŭ Atłantyčnym akijanie, kab ubačyć patanuły bolš za stahodździe tamu znakamity łajnier «Tytanik».
Amal praz 2 hadziny paśla apuskańnia pad vadu z ekipažam batyskafa źnikła suviaź, i z tych časoŭ jaho ŭzmocniena šukajuć pošukavyja kamandy niekalkich krain, u tym liku ZŠA. Adnak ratavalnikam nie ŭdałosia znajści źnikły batyskaf praz «vielmi niespryjalnyja ŭmovy ŭ zonie pošuku».
Plus da ŭsiaho vyśvietliłasia, što kampanija OceanGate doŭhi čas zamoŭčvała fakty najaŭnaści defiektaŭ i niebiaśpieki kanstrukcyi batyskafa «Tytan», a taksama zvalniała svaich supracoŭnikaŭ za raskryćcio hetych źviestak abo publičnuju krytyku.
Čytajcie jašče:
U Minsku jość 108 patencyjnych miescaŭ padtapleńnia
U histaryčnym centry Paryža paśla vybuchu hazu abrynuŭsia dom
Rasiejcy rychtujuć terakt na ZAES — ekstranny zvarot Zialenskaha
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)