Dzieviać miescaŭ, dzie možna adśviatkavać Kupalle na hetych i nastupnych vychodnych

Dataŭ i miescaŭ śviatkavańnia biełaruskaha Kupalla siońnia nadzvyčaj šmat — jak nikoli raniej.

Reform.by sabraŭ dla vas dzieviać samych cikavych łakacyj u Biełarusi dy inšych krainach. Zaprašajem da ŭdziełu ŭ staražytnych rytuałach, što spryjajuć pieramozie śviatła nad ciemraj!

U Biełarusi

Halšanski zamak

U subotu, 24 červienia, Kupalle buduć śviatkavać la ścien staražytnaha Halšanskaha zamka.

Adbudziecca kancert, pošuk paparać-kvietki i placieńnie viankoŭ, varažba, karahody dy tancy.

Taksama ŭ płanach fitabar, fudkorty i kirmaš ramieśnikaŭ, majstar-kłasy, interaktyŭnyja placoŭki, fotazony i, biezumoŭna, kupalskaje ačyščalnaje vohnišča.

Vohniennaje šou taksama abiacajuć.

Pačatak śviata: 24 červienia, 19.00 (čas usiudy miascovy). Košt kvitka — 10 rubloŭ (darosły).

Biełaruski dziaržaŭny muziej narodnaj architektury i pobytu

Muziej narodnaj architektury i pobytu pravodzić śviata 24 červienia.

Akramia tradycyjnaj prahramy z vohniščam, varažboj i placieńniem viankoŭ, za asobnuju płatu prapanujuć łučny cir.

Admietnaściu prahramy stanie šerah majstraŭ-kłasaŭ pa vyvučeńni kupalskich piesień, tradycyjnych tancach pad biełaruskija narodnyja instrumienty i pa dekory z travy.

Pačatak śviata: 24 červienia, 18.00. Košt kvitka — 12 rubloŭ (darosły).

Park interaktyŭnaj historyi «Vialikaje kniastva Suła»

U parku Kupalle adśviatkujuć z razmacham: pačnuć ź viečara 23 červienia, a zavieršać viečaram 25-ha.

U pieršy dzień padčas načnoj prahramy (z 20:00 da 00:00) napojać ziołkavaj harbataj na placoŭcy Słavianskich kultaŭ i pavarožać na Kapiščy. A taksama praviaduć majstar-kłasy pa kupalskich śpievach, tancach, abradavych hulniach i placieńni viankoŭ.

Zavieršycca viečar zapalvańniem vohnišča i zapłyvam na drakary pa načnoj Sule.

24 i 25 červienia adbudziecca dzionnaja prahrama z 14.00 da 17.00.

Čakajucca majstar-kłasy, karahody i skoki praz vohnišča

Pačatak śviata: 23 červienia, 20.00. Košt kvitka — 30 rubloŭ (darosły).

Muziej «Dudutki»

Na Kupalle ŭ Dudutkach zvyčajna ładziać Mižnarodny open-air fołk-fest «Śviata Sonca».

Tradycyjnymi składnikami fiestyvalu, jaki projdzie 24-25 červienia, stali vialiki kancert na adkrytym pavietry, u jakim prymuć udzieł Trubetskoy, Ivan Kirčuk, Plemia, Rokaš, Alcyona, Akvamorta, Frozen garden, «Roskvit», Special guest, i fiestyval vohniennaha šou. Akramia taho, dva dni na fiestyvali buduć pracavać roznyja łakacyi.

Padrabiazny raskład možna pahladzieć tut.

Pačatak śviata: 24 červienia, 11.00 i 25 červienia, 10.00. Košt kvitka — ad 60 da 20 rubloŭ (darosły).

U Polščy

Varšava / 24 červienia

24 červienia biełarusaŭ Varšavy zaprašajuć sustrecca na bierazie Visły.

Razynačka viečara — śpiavańnie pieśniaŭ razam z Kupałaŭcami dy tancy pad apiekaj najlepšych profi. Nie abydziecca śviata bieź placieńnia viankoŭ dy šukańnia paparać-kvietki.

Taksama zładziać łatareju, fotasiesiju i konkurs na najlepšy nacyjanalny stroj.

Z boku arhanizataraŭ abiacajuć nienaviaźlivuju, ale efiektnuju tematyčnuju kancertnuju prahramu, a ŭ kancy — volny mikrafon.

Infarmacyja pra čas i prahramu tut.

Volny ŭvachod na plaž (Praska Plaża Miejska) z boku vulicy Ratušavaj.

Varšava / 1 lipienia

Sučasny farmat śviatkavańnia Kupalla prapanujuć na fiestyvali «Kupalle — ad batlejki da rejvu», jaki adbudziecca ŭ Varšavie na haradskim voziery ŭ noč z 1 na 2 lipienia.

Hety muzyčny fiestyval pryznačany dla ŭsioj siamji: ad dziaciej da amataraŭ techna.

Dla samych stojkich abiacajuć 18 hadzin vydatnaj muzyki bieź pierapynku (Campderschein. Belarus Outside Sound System, Karma and Shoom.records). 

Dla dziaciej arhanizujuć hulniavuju zonu.

Padčas imprezy adbudziecca prezientacyja biełaruskich inicyjatyŭ i hramadskich arhanizacyj Polščy. Markiet i fudkort. Spakojnaja prastora dla johi. Zajmalnyja śpievy i tancy vakoł vohnišča.

Partniory fiestyvalu: Biełaruski moładzievy chab. German Marshall Fund. Biełaruskaja Rada kultury. 

Pačatak śviata: 1 lipienia 14.00, zakančeńnie 2 lipienia 8.00. Košt — danaty ad 20 zł.

Biełastok

Na najbližejšych vychodnych, 24 i 25 červienia, biełarusy Biełastoka kličuć śviatkavać Kupalle razam z muzyčna-teatralnym hurtkom «Biełarusiki» na bierazie voziera Biale kala Aŭhustova.

Čakajecca vystup «Biełarusikaŭ», tradycyjnyja pieśni i tancy, hulni, sapraŭdnaje kupalskaje vohnišča. Prosiać brać namioty, spalniki i dyvanki.

Na tranśfier aŭtobusam (Biełastok — Aŭhustoŭ 23.06 18:00; Aŭhustoŭ — Biełastok 25.06 17:00) prosiać zarehistravacca zahadzia albo paviedamić pra svoj udzieł praz telehram.

Košt: 12 złotych za miesca na kožnuju mašynu; 12 złotych za miesca na namiot; 10 złotych z darosłaha za dzień. Dzieciam da 12 hadoŭ — biaspłatna.

U Čechii

Praha

Supołka «Pahonia» i Biełaruskaje tancavalnaje tavarystva ŭ Prazie zaprašajuć biełarusaŭ Čechii adśviatkavać Kupalle ŭ subotu, 24 červienia, kala sažałki Hořejší rybník.

Farmat samy tradycyjny i demakratyčny, tamu prosiać uziać namioty i ŭsio nieabchodnaje dla sustrečy śviata i śvitańnia, naprykład repielenty suprać klaščoŭ i kvietki dla placieńnia viankoŭ — ich možna paźbirać pa darozie ad prypynku kala čyhunki (na miescy śviatkavańnia kvietak amal nie raście).

Pačatak śviata: 24 červienia, 19.00. Udzieł biaspłatny.

U Vialikabrytanii

Łondan

U subotu, 24 červienia, Anhła-biełaruskaje tavarystva, Biełaruskaja biblijateka i muziej imia Franciška Skaryny, a taksama Biełaruskaja katalickaja misija raspačnuć śviatkavańnie Kupalla słužbaj u carkvie Śviatoha Kiryły Turaŭskaha i ŭsich śviatych zastupnikaŭ biełaruskaha naroda.

Paśla teatralizavanaha čytańnia pjesy Franciška Alachnoviča «Zaručyny Paŭlinki» ŭ anhlijskim pierakładzie i naviedvańnia admysłovaj vystavy ŭ Skarynaŭskaj biblijatecy raspačniecca tradycyjnaje śviatkavańnie — ź placieńniem viankoŭ, upryhožańniem kupalskaha koła, śpievami i skokami praz vohnišča.

Prosiać nadzieć biełaruskija nacyjanalnyja stroi, brać z saboju pačastunak i napoi (akramia mocnych ałkaholnych). Budzie fajna, kali pryniesiacie i kvietački dla placieńnia viankoŭ.

Pačatak śviata: 24 červienia, 15.00. Achviaravańnie ad 7 da 10 funtaŭ.

Miesca: sad Skarynaŭskaj biblijateki i Biełaruskaj katalickaj misii, 37-39, Holden Road, Łondan.

U Niderłandach

Haaha

Kupalle na Paŭnočnym mory, dva dni.

Pieršy dzień, 30 červienia — biełaruskaja viačera sa stravami nacyjanalnaj kuchni i kancert kłasičnaj muzyki «Muzyka dla Biełarusi».

Druhi dzień, 1 lipienia — tradycyjny fiestyval»Kupalle na bierazie Paŭnočnaha mora». Placieńnie viankoŭ, varažba, kirmaš, majstar-kłas pa kieramicy i rarytety ad biełaruskich majstroŭ i mastakoŭ. Pieśni, tancy, kulturnaja prahrama dla ŭsioj siamji. A na zachadzie sonca — kancert hurta Naviband.

Padrabiaźniej — tut.

• 7
• 0
• 0
• 1
• 0
• 0
• 1
• 0