Praź miaciež Pryhožyna ŭčarašni dzień staŭ adnym z samych śmiarotnych dla rasijskich PKS
Niahledziačy na toje, što zasnavalnik PVK «Vahnier», abviaščajučy zakančeńnie miaciažu, zajaviŭ pra biaskroŭnaść apieracyi, 24 červienia, imavierna, staŭ adnym z samych trahičnych dzion dla PKS Rasii.
Pavodle kanała vajenkaraŭ Readovka, va ŭčarašnich bojesutyknieńniach z PVK «Vahnier» zahinuli 15 rasijskich vajskoŭcaŭ, u asnoŭnym — lotčyki.
«U momant samaj surjoznaj eskałacyi byŭ źbity bort Ił-18, na jakim znachodziłasia nie mienš za 8 čałaviek. Akramia taho, siońnia byŭ źniščany ŭdarny viertalot Ka-52 «Alihatar» — ekipaž zahinuŭ u poŭnym składzie», — śćviardžaje prapahandyscki resurs.
Vajennyja analityki Oryx śćviardžajuć, što PVK «Vahnier» źniščyła jak minimum šeść viertalotaŭ, adzin samalot i adzin UAZ Minabarony.
ISW piša, što siły «Vahniera» mahli źbić da troch viertalotaŭ radyjoelektronnaj baraćby Mi-8MTPR, adzin viertalot Mi-8, adzin viertalot Ka-52, adzin viertalot Mi-35, adzin viertalot Mi-28 i adzin transpartny samalot, što pryviało da hibieli pa mienšaj miery 13 piłotaŭ i lotčykaŭ.
«Heta adzin z samych śmiarotnych dzion dla rasijskich PKS ad pačatku vajny va Ukrainie na siońniašni dzień», — piša ISW.
Ciapier čytajuć
Milicyja prapanuje, kab amnistyja zakranuła amal usich asudžanych za narkotyki3
Milicyja prapanuje, kab amnistyja zakranuła amal usich asudžanych za narkotyki
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki77
Kamientary