Vyjšła pieršaja aŭdyjakniha Śviatłany Aleksijevič na biełaruskaj movie
Histaryčnaja premjera na «Kamunikacie»: Pieršaja kniha sieryi «Hałasy Utopii» Śviatłany Aleksijevič «U vajny nie žanočy tvar» užo apublikavanaja, paviedamlaje «Budźma».
Heta nie prosta dakumientalnyja śviedčańni ŭdzielnikaŭ vajny, pra jakuju, zdavałasia b, nam raskazali ŭsio i navat bolš. Vy ździviciesia, jak mała my nasamreč viedajem pra toj čas i jak žudasna jon nahadvaje ciapierašni.
Prajekt staŭsia mahčymym dziakujučy supolnym namahańniam Mižnarodnaha sajuza biełaruskich piśmieńnikaŭ i internet-biblijateki Kamunikat.
Słuchačy zmohuć paznajomicca z aŭtarskaj redakcyjaj «Hałasoŭ Utopii» ŭ najnoŭšym biełaruskim pierakładzie. Piśmieńnica pavodle svajho tvorčaha mietadu dapracavała chroniku: skasavała cenzurnyja praŭki, dałučyła novyja epizody, a taksama staronki z ułasnaha dziońnika.
Akciorski skład: Aleh Harbuz, Alena Bajarava, Siarhiej Čub i Kryścina Drobyš.
Aŭtarskaja muzyka Dźmitryja Fryhi.
Zapis — Pavieł Siniła.
Pradziusar prajekta — Jarasłaŭ Ivaniuk.
Dze słuchać?
Na sajcie internet-biblijateki Kamunikat i na bujnych stryminhavych płatformach. Absalutna biaspłatna.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary