Andreju Faminu za samvyd dali 7 hadoŭ kałonii ŭzmocnienaha režymu
29-hadovaha Andreja Famina zatrymali 27 kastryčnika 2022 hoda.
U Minskim haradskim sudzie 21 červienia da siami hadoŭ kałonii va ŭmovach uzmocnienaha režymu asudzili palitźniavolenaha Andreja Famina. Jaho abvinavacili pavodle troch artykułaŭ Kryminalnaha kodeksa: č. 3 art. 361 (Zakliki da sankcyj), č. 1 art. 342 (Udzieł u dziejańniach, jakija hruba parušajuć hramadski paradak), č. 3 art. 361-1 (Stvareńnie ekstremisckaha farmavańnia), jak piša «Viasna».
Paśla zatrymańnia Andreja paviedamlałasia, što jon nibyta byŭ redaktaram i aŭtaram artykułaŭ dla sietki samvydu «Vieśniki», jakuju praz paŭtara miesiaca paśla zatrymańnia mužčyny pryznali «ekstremisckim farmavańniem». Taksama Andreja abvinavacili va ŭdziele ŭ Maršy 30 žniŭnia 2020 hoda. Prysud vyniesła Anžeła Kaściukievič. Pa spravie adbyłosia try sudovyja pasiadžeńni.
29-hadovaha Andreja Famina zatrymali 27 kastryčnika 2022 hoda. Zranku da chłopca zajavilisia supracoŭniki HUBAZiKa i SACHRa ŭ poŭnym bajavym abmundziravańni i sa zbrojaj. Andreja źbivali — heta zaŭvažna i na «pakajannym» videa, jakoje apublikavali na nastupny dzień paśla zatrymańnia praŭładnyja Telegram-kanały. 9 śniežnia 2022 hoda hrupu hramadzian, abjadnanych pad nazvaj «Vieśniki», pryznali «ekstremisckim farmavańniem».
Kamientary