Raspracoŭniki ChatGPT papiaredžvajuć ab tym, što štučny intelekt moža pryvieści da źniknieńnia čałaviectva
Kiraŭniki kampanii OpenAI, jakaja raspracavała ChatGPT, papiaredžvajuć: vielizarnaja siła «zvyšrozumu» moža źniščyć čałaviectva. Jany prapanujuć stvaryć daśledčuju hrupu, jakaja vyznačyć varyjanty kantrolu za sistemami štučnaha intelektu.
Jak piša internet-vydańnie Welt.de, kampanija OpenAI maje namier sabrać novuju daśledčuju hrupu i inviestavać značnyja resursy ŭ zabieśpiačeńnie biaśpieki štučnaha intelektu dla čałaviectva.
U svaim błohu suzasnavalnik OpenAI Ilja Suckievier (Ilya Sutskever) i kiraŭnik adnaho z adździełaŭ kampanii Jan Lejkie (Jan Leike) adznačyli:
«Vielizarnaja siła «zvyšrozumu» moža pryvieści da pazbaŭleńnia čałavieka pravoŭ i mahčymaściaŭ abo navat da jaho źniknieńnia. Ciapier u nas niama mahčymaści nakiroŭvać abo kantralavać patencyjna zvyšintelektualny štučny intelekt i pieraškadžać jamu iści svaim šlacham».
Aŭtary błoha pradkazvajuć, što zvyšintelektualnyja sistemy štučnaha intelektu, jakija bolš razumnyja za ludziej, mohuć stać realnaściu na praciahu hetaha dziesiacihodździa. Ludziam spatrebiacca lepšyja mietady, čym tyja, što dastupnyja siońnia, dla kiravańnia zvyšintelektualnym štučnym intelektam.
Microsoft płanuje vykarystoŭvać na praciahu nastupnych čatyroch hadoŭ piatuju častku svaich vyličalnych mahutnaściaŭ dla raspracoŭki rašeńnia hetaj prablemy. Kampanija taksama znachodzicca ŭ pracesie stvareńnia dla hetaj mety novaj daśledčaj hrupy pad nazvaj Superalignment Team.
Vydańnie adznačaje, što patencyjnaja niebiaśpieka štučnaha intelektu ciapier intensiŭna abmiarkoŭvajecca daśledčykami i hramadskaściu.
ES užo ŭzhadniŭ prajekt zakona ab rehulavańni štučnaha intelektu. Ciapier u ZŠA idzie dyskusija ab zaličeńni pa prykładzie ES sistem štučnaha intelektu da katehoryj ryzyki i ab vypracoŭcy adpaviednych patrabavańniaŭ da kampanij, jakija raspracoŭvajuć abo vykarystoŭvajuć sistemy štučnaha intelektu, patrabavańniaŭ pa zabieśpiačeńni davieru, biaśpieki, prazrystaści i zachavańni pravoŭ čałavieka.
U sakaviku hrupa lidaraŭ i ekśpiertaŭ industryi štučnaha intelektu padpisała adkryty list, u jakim zhadvajecca patencyjnaja ryzyka štučnaha intelektu dla hramadstva i ŭtrymlivajecca zaklik da šaścimiesiačnaha pierapynku ŭ raspracoŭcy sistem, bolš mahutnych, čym viersija OpenAI GPT-4.
Čytajcie jašče:
Bolš za ŭsio ad raźvićcia štučnaha intelektu paciarpiać rabotniki razumovaj pracy — analityki
U Hiermanii carkoŭnuju słužbu ŭpieršyniu pravioŭ štučny intelekt
Štučny intelekt dapamoh pračytać tablički z klinapisam, jakim piać tysiač hadoŭ
Kamientary