Piroh z čarnicami hatujecca lohka, uražvaje i maje dalikatny smak. Ën moža być jak sa słojem tvarahu, tak i bieź jaho.
Heta piroh z troch častak, jakija zamiešvajucca asobna.
Pieršaja — heta ciesta. Dla jaho treba 200 h masła, 150 h muki, łyžka cukru i jajka.
Masła narezać kubikami, źmiašać z mukoj da drobnaj kroški, dadać cukar, jajka i dobra pieramiašać. Hetaje ciesta treba skačać u kamiak i patrymać paŭhadziny ŭ chaładzilniku.
Dla tvarožnaha słoja tvaroh lepš brać tłusty, 9—10% ci bolš, 200 hramaŭ. Dadać da jaho 2 jajki, 80 h masła, łyžku muki, łyžku cukru, dobra pieramiašać, kab atrymałasia kansistencyja kremu.
Śmiatannaja zaliŭka robicca z tłustaj śmiatany, prykładam, 26%. 150 h śmiatany, 100 h cukru, adno jajka źmiešvajucca, lepš spačatku jajka z cukram, kab było lahčej cukru raspuścicca.
Pry składańni piraha spačatku ciesta raźmiarkoŭvajecca pa dnie i bakach formy, na jaho vylivajecca tvarožnaja častka i źvierchu nasypajucca jahady.
Vykarystoŭvać možna nie tolki čarnicy — lubyja jahady abo kavałki siezonnaj sadaviny.
Jahady zalivajuć śmiatannaj zaliŭkaj.
Vypiakajuć niedzie hadzinu pry 200 hradusach. Ale ŭsio zaležyć ad duchoŭki, hladzicie pa hatoŭnaści.
Zaliŭka musić stać takoj, jak žele, kab była nie vadkaja, tady jana hatovaja.
Možna hatavać taki piroh i biez tvarožnaha słoja, ale tady jon nie budzie na smak jak tvarožny piroh ci, pa-anhlijsku kažučy, čyzkiejk.
Kamientary
Smakata, ale vielmi kałaryjna.