Na vybarach va Uźbiekistanie Mirzijojevu napisali 87,5 pracenta hałasoŭ
Mirzijojeŭ byŭ abrany prezidentam Uźbiekistana na pazačarhovych vybarach u śniežni 2016 hoda — paśla śmierci pieršaha kiraŭnika dziaržavy Isłama Karymava, jaki ŭznačalvaŭ krainu z 1989 hoda.
Prezident Uźbiekistana Šaŭkat Mirzijojeŭ vyjhraŭ daterminovyja prezidenckija vybary z 87,5% hałasoŭ, pra heta paviedamiŭ kiraŭnik Centrvybarkama Zajnidzin Nizamchadžajeŭ, jak piša Interfaks.
«Pavodle papiarednich źviestak, za Mirzijojeva addali svaje hałasy 13 625 055 čałaviek, abo 87,5% vybarščykaŭ ź liku tych, chto ŭziaŭ udzieł u hałasavańni», — udakładniŭ jon.
Vybary va Uźbiekistanie byli zrežysiravanym śpiektaklem, u jakim, akramia Mirzijojeva, udzielničali jašče kandydaty-spojlery ad inšych partyj, jakija, adnak, usie padtrymlivajuć isny režym.
Na vybary prezidenta było zarehistravana bolš za 19,5 młn vybarščykaŭ, ź ich prahałasavali 15 671 405. Daterminova z 28 červienia pa 5 lipienia prahałasavała zvyš 800 tysiač vybarščykaŭ, u tym liku kala 188 tysiač za miažoj.
Mirzijojeŭ byŭ abrany prezidentam Uźbiekistana na pazačarhovych vybarach u śniežni 2016 hoda — paśla śmierci pieršaha kiraŭnika dziaržavy Isłama Karymava, jaki ŭznačalvaŭ krainu z 1989 hoda. U kastryčniku 2021 hoda Mirzijojeŭ vyjhraŭ novyja vybary z 80,12% hałasoŭ.
U krasaviku va Uźbiekistanie praviali referendum ab źmienie Kanstytucyi, u tym liku ab pradaŭžeńni terminu paŭnamoctvaŭ prezidenta Uźbiekistana ź piaci da siami hadoŭ. Prapanavanyja źmieny padtrymali 90,2% vybarščykaŭ.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA11
Kamientary