U centry Vilni na interaktyŭnym stendzie pakazali Bajdena, jaki nibyta ŭpaŭ u aeraporcie
U paniadziełak u Vilni na adnym ź interaktyŭnych rekłamnych stendaŭ na vulicy Piles (Zamkavaj) źjaviŭsia videarolik ź nibyta padzieńniem prezidenta ZŠA Džo Bajdena pry vychadzie z samalota paśla jaho prybyćcia ŭ stalicu Litvy. Palicyja rasśleduje abstaviny hetaha mahčymaha kibierincydentu, jak piša Delfi.
Pradstaŭnik Departamienta palicyi Ramunas Matanis paćvierdziŭ ahienctvu ELTA, što ŭ palicyju pastupiła paviedamleńnie pra hety incydent.
«Taki vypadak zarehistravany siońnia nočču, stend adklučany, abstaviny vyśviatlajucca», — skazaŭ pradstaŭnik palicyi.
Džo Bajden prybyŭ u Vilniu ŭ paniadziełak uviečary, napiaredadni samitu NATA. Ale situacyi, pry jakoj lidar ZŠA spatyknuŭsia b pry vychadzie z samalota, nie było.
U Vilni napiaredadni samitu NATO adbyłasia kibierataka. Prapahandysckija paviedamleńni hučali pa radyjo i ŭ handlovym centry
U Vilni pačynajecca samit NATA
Čaho čakaje Ukraina ad samitu NATA ŭ Vilni?
«NATO pieratvaryła Vilniu ŭ krepaść». Aljans umacoŭvaje miažu ź Biełaruśsiu pierad samitam u stalicy Litvy
Kamientary