Krainy Hrupy siami daduć harantyi biaśpieki dla Ukrainy ŭ sieradu paśla zakančeńnia samitu NATO. Pra heta na bryfinhu dla žurnalistaŭ zajaviła staršaja dyrektarka pa Jeŭropie Rady nacyjanalnaj biaśpieki Biełaha doma Amanda Słoat, jak piša TASS.
«Prezident [ZŠA Džo] Bajden i lidary krain G7 vystupiać sa značnaj zajavaj sumiesna z prezidentam [Ukrainy Uładzimiram] Zialenskim. <…> ZŠA razam ź inšymi lidarami G7 abvieściać pra namier dapamahčy Ukrainie pabudavać uzbrojenyja siły, kab abaranić siabie i strymlivać budučyja ataki», — skazała jana, adznačyŭšy, što harantyi buduć abvieščanyja 12 lipienia paśla zakančeńnia samitu Aljansu.
Słoat adznačyła, što hetaja dekłaracyja budzie ŭklučać pałažeńni ab pieramovach partnioraŭ Ukrainy z Kijevam, nakiravanych na zabieśpiačeńnie dvuchbakovych harantyj biaśpieki ŭ doŭhaterminovaj pierśpiektyvie.
«Šmatbakovaja dekłaracyja pašle Rasii vyrazny sihnał ab tym, što čas nie na jaje baku», — śćviardžaje pradstaŭnica Biełaha doma.
Kamientary