U punkcie propusku «Kazłovičy» na polska-biełaruskaj miažy mytniki zatrymali niezadekłaravany hruz z 450 vyrablenych šynšyłavych skurak, paviedamili ŭ Bresckaj mytni. Tavar byŭ znojdzieny ŭ hruzavym aŭtamabili Citroen z estonskimi numarami, jaki vioz ź Litvy zborny hruz.
«Padazreńnie ŭ mytnikaŭ vyklikaŭ toj fakt, što davoli darahoje futra acanili tanna — pa tavarasupravadžalnych dakumientach jaho košt składaŭ kala troch tysiač rubloŭ», — paviedamili ŭ Bresckaj rehijanalnaj mytni.
Padčas mytnaha kantrolu było ŭstanoŭlena, što nasamreč takaja partyja skurak šynšyłaŭ kaštuje nie mienš za 82 tysiačy rubloŭ. Bolš za toje, niekalki štuk uvohule nie byli zajaŭlenyja ŭ dakumientach.
Suprać parušalnikaŭ raspačali administracyjny praces pa č. 1 i č. 3 art. 15.5 KaAP (niedekłaravańnie albo padača niedakładnych źviestak pra tavary).
Futra šynšył naležyć da razradu vielmi kaštoŭnych i darahich, bo jano miakkaje i amal biazvažkaje. Futry z šynšył darahija, bo na adzin vyrab sychodzić da 100 skurak.
Ciapier čytajuć
U Varšavu pryjechała sotnia biełaruskich palitviaźniaŭ5
Kamientary