Na poŭdni Šviecyi i Narviehii praź niepahadź admianiajuć ciahniki i paromy
U Narviehii, dzie miescami abvieščana čyrvonaje papiaredžańnie, čyhunačny apieratar SJ Norge paviedamiŭ ab admienie ŭsich ciahnikoŭ na linii Dovrebanen pamiž Osła i Tronchiejmam i jašče dvuch kirunkach na 7-8 žniŭnia. Atmaśfierny front užo dasiahnuŭ poŭdnia Šviecyi, paviedamlajuć NRK i Aftonbladet.
U vyniku zalevaŭ miescami padtapiła darohi, a vakoł haradka Jeŭle amal 19 tysiač čałaviek zastalisia bieź śviatła.
Admienieny paromy sa Šviecyi ŭ Polšču praz Bałtyjskaje mora, ale ciahniki pakul kursujuć biez značnych prablem.
Aeraport Stakholma prymaje rejsy, ale ź vialikimi zatrymkami, a asobnyja samaloty nakiravali ŭ inšyja aeraporty.
Eresunski most, jaki złučaje Daniju i Skandynaŭski paŭvostraŭ, dla ruchu nie zakryvajuć, ale rajać paźbiahać pajezdak bujnym hruzavikam, kab ich nie pierakuliła vietram.
U Narviehii prahnazujuć, što zalevy mohuć akazacca samymi mahutnymi za apošnija 25 hadoŭ.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim4
Kamientary