Sudździa Čašnickaha rajonnaha suda A. S. Śmirnova prysudziła byłomu pradprymalniku, a ciapier biespracoŭnamu Uładzimiru Bakurynu 15 sutak aryštu za padpiski na tak zvanyja «ekstremisckija» supołki ŭ sacyjalnaj sietcy «VKontaktie» i łajki na ich materyjały, paviedamlaje «Viciebskaja viasna».
Mužčynu sudzili 25 lipienia pavodle č. 2 art. 19.11 KaAP Biełarusi (raspaŭsiud, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo jakaja prapahanduje takuju dziejnaść).
Manitoryli staronki Uładzimira Bakuryna ŭ sacyjalnych sietkach miascovyja milicyjanty z Čašnickaha RAUS.
Na sudzie mužčyna tłumačyŭ, što byŭ padpisany na supołki, pryznanyja ciapier uładami «ekstremisckimi», jašče zadoŭha da ich pryznańnia takimi. Pry hetym jon zaznačyŭ, što zhubiŭ paroli da svajoj staronki ŭ sacyjalnaj sietcy «VKontaktie» i ŭžo bolš za paŭtara hoda joj nie karystaŭsia.
Arhumienty čałavieka, što jon nie viedaŭ pra toje, što hetyja hrupy byli ŭniesienyja ŭ śpis ekstremisckich materyjałaŭ, sud nie pryniaŭ da ŭvahi. Maŭlaŭ, tak zvany «śpis ekstremisckich materyjałaŭ» znachodzicca ŭ svabodnym dostupie i kožny achvotny moža ź im aznajomicca. Jašče sudździa Śmirnova źviarnuła ŭvahu na toje, što mužčyna nie vydaliŭ hetyja padpiski ci ŭvohule staronku, tamu jon vinavaty.
U vyniku Čašnicki sud aryštavaŭ Uładzimira Bakuryna na 15 sutak i kanfiskavaŭ «pradmiet administracyjnaha pravaparušeńnia».
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary