U Žodzinie stali ramantavać pamiatnaje miesca, adkul niekali pačynaŭsia horad. Pierad hetym pisali pra jaho zaniadbany stan
Čytačy adnaho ź miascovych telehram-kanałaŭ zaŭvažyli, što ŭ Žodzinie na vulicy Bahusłaŭ Pole na pamiatnym kompleksie «Vadziany młyn» pačalisia restaŭracyjnyja raboty. Na adnym z budynkaŭ užo źjaviŭsia novy dach, piša Ex-press.live.
Ustalavany pomnik byŭ u 2008 hodzie Žodzinskim haradskim vykanaŭčym kamitetam. Miesca dla jaho vybrali nievypadkova. Mienavita tut, na rečcy Žodzincy, u 1663 hodzie byŭ pabudavany pieršy ŭ Žodzinie młyn. Makiet mieŭ simvalizavać saboj pačatak histaryčnaha šlachu budučaha horada.
Kala bramy kompleksu byŭ ustalavany pamiatny znak z nadpisam: «U 1643 hodzie na miescy sutyknieńnia rek Plisy i Žodzinki kniaziem Bahusłavam Radziviłam było zasnavana miastečka Bahusłaŭ Pole, jakoje pakłała pačatak sučasnamu horadu Žodzina. Pamiatny znak ustanoŭleny ŭ honar 365-hodździa z dnia zasnavańnia Žodzina». Raspracavaŭ makiet kompleksu Uładzimir Hłazun.
Aŭtar imknuŭsia pakazać tradycyjnuju biełaruskuju sialanskuju siadzibu, kab naviedvalniki mahli lohka ŭjavić sabie, jak vyhladała Žodzina niekalki socień hadoŭ tamu. A kab udychnuć žyćcio ŭ svajo tvareńnie, aŭtar «nasialiŭ» siadzibu skulpturnymi piersanažami: mielnikam, jaho žonkaj i ich dvarovym sabakam. U jaho taksama jość svoj dom. Sabačaja budka raźmiaščajecca la ŭvachoda ŭ haspadarski dom.
Choć hety kompleks jašče i nie vielmi stary, jamu ŭsiaho 15 hadoŭ, ale za hety čas jon pryjšoŭ u varty žalu stan. Jak napisaŭ čytač Ex-press.live pa imieni Dzianis, «da jaho ŭžo nie vadzili ekskursij, dy i naha prybiralnika-kamunalnika siudy naŭrad ci stupała».
«Adrazu skažu: na miescy ekspazicyi mała što zastałosia. A voś jak jaho adramantujuć, i kudy «na Bahusłaŭ Pole praces pajšoŭ», pahladzieć cikava», — ličyć Dzianis.
U krasaviku žychar Žodzina Siarhiej pakazaŭ, jak vyhladaje histaryčnaje miesca — kompleks «Bahusłaŭ Pole». Jon taksama byŭ aburany tym, što miesca, jakoje kaliści abviaščali histaryčnym, u takim žachlivym stanie.
U krasaviku hetaha hoda na kiepski stan pomnika, jaki prezientavaŭsia jak adzin ź simvałaŭ horada, źviartaŭ uvahu inšy čytač vydańnia pa imieni Siarhiej. Mahčyma, mienavita taja publikacyja stała sihnałam dla haradskich uładaŭ, što z hetym treba niešta rabić.
U Žodzinie «zahinuŭ» łazienščyk, dobra viadomy ŭ horadzie
«Zielanca dla pryhažości». Jak vyhladaje vada na «najlepšym» plažy Biełarusi
«I sa svajho sajta prapahandysty infarmacyju prybrali». Jak ciapier vyhladaje ŭ Žodzinie pierachod, kaliści raśpijarany jak «inavacyjny»
«Pafarbavali, navat chlorkaj pasypali. Ale heta ciemra, siaredniaviečča!» Jak vyhladaje prybiralnia na «najlepšym» plažy Biełarusi
Łukašenkaŭcy ŭpieršyniu za doŭhi čas pakazali Viktara Babaryku24
Kamientary