Napiaredadni chaładoŭ rasijanie znoŭ pačali atakavać enierhietyčnyja abjekty
Padčas masiravanaj rakietnaj ataki ranicaj 21 vieraśnia atrymali paškodžańni enierhietyčnyja abjekty ŭ centry i na zachadzie Ukrainy. Heta była pieršaja za apošnija paŭhoda ataka rasijan na enierhasistemu, paviedamlaje «Ukrenierha».
Z-za rakietnaj ataki zastalisia častkova biez toku spažyŭcy ŭ Rovienskaj i Žytomirskaj abłaściach.
Taksama padčas napadu atrymali paškodžańni sietki abłenierha ŭ Dnieprapiatroŭskaj, Kijeŭskaj, Charkaŭskaj abłaściach.
Praz bajavyja dziejańni i ź inšych pryčyn bieź śviatła ranicaj zastavałasia 398 nasielenych punktaŭ.
Pa słovach kiraŭnika praŭleńnia kampanii Uładzimira Kudryckaha, enierhazabieśpiačeńnie ŭ mahistralnaj sietcy «Ukrenierha» adnoŭlena.
Kudrycki dadaŭ, što enierhietykaŭ hetaja ataka nie zaśpieła źnianacku, padrychtoŭka i adnaŭleńnie enierhasistemy nie spynialisia z kanca minułaha aciaplalnaha siezona.
«Nielha śćviardžać, što heta pačatak novaj masiravanaj terarystyčnaj chvali metanakiravanych abstrełaŭ enierhasistemy. Enierhietyki nie majuć takoj infarmacyi i nie mohuć prahnazavać dziejańni voraha. Ale ŭ nas niama iluzij. My čytajem paviedamleńni HUR Minabarony i viedajem, što vorah cyničny i žorstki, usie maralnyja i pravavyja ramki pierajšoŭ daŭno, tamu my rychtujemsia da lubych mahčymych scenaryjaŭ», — adznačyŭ kiraŭnik kampanii.
«Ja padniaŭ adnaho sa słabavikoŭ — i vypuściŭ jaho na asfalt». Desantnik Rusłan Akostka raskazaŭ, jak adsiedzieŭ 4 hady21
Kamientary
Mlaja, oppozicionnyje bołtuny: počitajtie vnimatielno značienije słov, koimi brosajetieś, i pieriestańtie nakoniec niesti achinieju