Jak paviedamlajuć Pavietranyja siły Ukrainy, usiaho byli zafiksavanyja puski 43 kryłatych rakiet Ch-101/Ch-555/Ch-55 z 10 samalotaŭ stratehičnaj avijacyi Tu-95MS z rajona Enhielsa.
Rakiety zapuskali chvalami. U pavietranuju prastoru Ukrainy jany ŭvachodzili z roznych napramkaŭ, mianiajučy kurs na maršrucie.
U vyniku Pavietranym siłam i srodkam SPA Sił abarony Ukrainy ŭdałosia źbić 36 rakiet.
Akramia kryłatych rakiet, prykładna a šostaj ranicy pa Charkavie ŭdaryli zienitnymi kiravanymi rakietami S-300.
Pad ranicu čaćviarha ŭ Kijevie, Čarkaskaj i Chmialnickaj abłaściach, u Charkavie, u Roŭnie i na Lvoŭščynie pracavali siły supraćpavietranaj abarony, hučali vybuchi.
U Čarkasach u vyniku rakietnaha ŭdaru razburany budynak haścinicy. Zaharelisia handlovyja paviljony na rynku. Paciarpieli 7 čałaviek i 10 čałaviek evakujavanyja. Z-pad zavałaŭ vyratavany 1 čałaviek.
U Kijevie ŭ vyniku padzieńnia abłomkaŭ jość paškodžańni ŭ Darnickim, Sałomienskim, Šaŭčenkaŭskim rajonach. U Darnickim rajonie ŭźnikli ŭzharańni. Jość paciarpiełyja: 7 čałaviek, u tym liku dzicia.
U Kijeŭskaj vobłaści ŭ vyniku padzieńnia abłomkaŭ uźnikli pažary na terytoryi pradpryjemstvaŭ. Taksama jość paškodžańni pryvatnaha siektara. Dva čałavieki paranienyja.
U Charkavie razburany składski budynak. Paciarpieli 2 čałavieki.
U Chiersonie rasijanie siarod nočy nanosili ŭdary pa žyłych kvartałach z roznaha typu ŭzbrajeńnia. U vyniku ŭ horadzie ŭźnikła 7 pažaraŭ. Hareli žyłyja i šmatkvaternyja damy, aŭtamabili i handlovy rad na adnym z rynkaŭ horada. Pavodle źviestak palicyi, 3 čałavieki zahinuli, jašče 5 paranienyja.
Jość taksama traplańni i paškodžańni ŭ Rovienskaj vobłaści. Častka Rovienskaha rajona biez elektraenierhii.
U Lvoŭskaj vobłaści rasijanie nanieśli ŭdar pa pramysłovaj zonie, jość razbureńni i ŭzharańni.
Kamientary