Cichanoŭskaja ŭ Danii sustrełasia z kronpryncam i biełaruskaj dyjasparaj
Abrany lidar Biełarusi znachodzicca ź vizitam u hetaj skandynaŭskaj krainie, dzie atrymaje premiju ad Parłamienckaj asamblei NATA.
![](http://nnexpictures.fra1.digitaloceanspaces.com/img/w732d4webp1/photos/z_2023_10/kron231009-jqxvc.jpg.webp)
Cichanoŭskaja sustrełasia z naślednym pryncam Danii Frederykam na pryjomie z nahody Samita Parłamienckaj asamblei NATA ŭ Kapienhahienie.
Jana raspaviała pryncu pra situacyju ŭ siońniašniaj Biełarusi i padkreśliła, što biełarusy nie zdalisia i bačać svaju krainu demakratyčnaj i jeŭrapiejskaj.
Taksama Cichanoŭskaja sustrełasia ź biełarusami Danii i padziakavała im za aktyŭnaść i pracu, jakuju jany robiać tut, kab trymać Biełaruś na paradku dnia i padtrymlivać Ukrainu, paviedamlaje jaje pres-słužba.
![](http://nnexpictures.fra1.digitaloceanspaces.com/img/w732d4webp1/photos/z_2023_10/cichanouskaja231009-mkqv8.jpg.webp)
Siońnia Śviatłana Cichanoŭskaja atrymaje premiju ad Parłamienckaj asamblei NATA «Žančyny — za mir i biaśpieku». Jaje ŭručajuć žančynam, jakija ŭnieśli admietny ŭniosak u farmavańnie biaśpiečnaha śvietu.
Na čas vizitu zapłanavanyja sustrečy z prezidentam Parłamienckaj asambieli NATA, ministram zamiežnych spraŭ Danii, śpikieram parłamienta i členami Kamiteta pa zamiežnych spravach.
Danija źjaŭlajecca adnoj z najstarejšych manarchij: karaleŭskaja siamja naličvaje 1000 hadoŭ svajoj historyi.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary