Patryjarch Kirył ličyć, što Rasija zastałasia svabodnaj dziakujučy jadziernaj zbroi
Rasija zastałasia niezaležnaj i svabodnaj dziakujučy jadziernaj zbroi, stvoranaj «pad apiekaj prapadobnaha Sierafima Saroŭskaha». Pra heta zajaviŭ Patryjarch Maskoŭski i ŭsiaje Rusi Kirył, uručajučy fiziku Radyju Ilkajevu orden prapadobnaha Sierhija Radaniežskaha I stupieni, piša TASS.
«Radyj Ivanavič — heta, ja b śmieła skazaŭ, vialiki ruski navukoviec. Jon uznačalvaje jadzierny centr, toj samy, jaki byŭ stvorany Kurčatavym. Kali b nie praca Kurčatava, Radyja Ivanaviča, ich kaleh, sabrataŭ, to ciažka skazać, ci isnavała b naša kraina. Jany stvaryli zbroju pad apiekaj prapadobnaha Sierafima Saroŭskaha, bo pa Božaj voli heta zbroja stvarałasia ŭ manastyry prapadobnaha Sierafima. Dziakujučy hetaj sile, Rasija zastałasia niezaležnaj, svabodnaj, i, viadoma, my pavinny ŭsie zachoŭvać u našych sercach i ŭ pamiaci hety vydatny podźvih našych navukoŭcaŭ, jakija praktyčna vyratavali krainu», — skazaŭ kiraŭnik RPC.
Orden prapadobnaha Sierhija Radaniežskaha, zasnavany ŭ śniežni 1978 hoda, maje try stupieni. Pieršaj stupieńniu ŭznaharodžvajucca kiraŭniki pamiesnych cerkvaŭ, kiraŭniki mižnarodnych relihijnych arhanizacyj i inšasłaŭnych cerkvaŭ, pradstaŭniki orhanaŭ ułady RF.
Radyj Ilkajeŭ (nar. u 1938 hodzie) — śpiecyjalist u halinie tearetyčnaj i ekśpierymientalnaj jadziernaj fiziki, aŭtar i suaŭtar zvyš 600 navukovych prac pa abaronnaj tematycy, adzin z raspracoŭščykaŭ termajadziernych zaradaŭ i mier pavyšeńnia biaśpieki jadziernaj zbroi.
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca4
Kamientary
čich (iźvivicia - karanavihus)
nym kur
orti