20-hadovaja maci ŭtapiła novanarodžanaha syna ŭ vańnie
A potym padkinuła cielca ŭ harod susiedziaŭ.
Prakuratura Łuninieckaha rajona raspačała kryminalnuju spravu ŭ dačynieńni da paštaljona rajonnaha vuzła suviazi, jakaja ŭ apošni dzień vieraśnia ŭtapiła ŭ vańnie svajho syna.
Pavodle papiarednich źviestak śledstva, 30 vieraśnia, viečaram 20‑hadovaja dziaŭčyna naradziła ŭ siabie ŭ domie chłopčyka,
jakoha adrazu ž naŭmysna ŭtapiła ŭ vańnie. Paśla hetaha žančyna z metaj utojvańnia złačynstva vykinuła cieła syna ŭ harod susiedziaŭ.
Cieła małoha pralažała na vulicy kala miesiaca, pakul jaho nie znajšli.
Supracoŭniki milicyi znajšli maci pamierłaha dziciaci dy vyśvietlili ŭsie akaličnaści spravy. Sudova‑miedycynskaja ekśpiertyza ŭstanaviła, što śmierć chłopčyka nastupiła ad miechaničnaj aśfiksii.
Padazravanaja zatrymanaja. Joj inkryminujecca ździajśnieńnie złačynstva, praduhledžanaha art. 140 KK RB (zabojstva svajho dziciaci padčas rodaŭ abo niepasredna paśla ich, ździejśnienaje va ŭmovach psichatraŭmujučaj situacyi, vyklikanaj rodami), jakaja praduhledžvaje pakarańnie da piaci hadoŭ pazbaŭleńnia voli.
Ciapier čytajuć
Babaryka paśla sustrečy z Pratasievičam trapiŭ u ŠIZA4
Kamientary