Rabočaja hrupa Parłamienckaj asamblei ABSIE zakłapočana situacyjaj sa svabodaj ŚMI i arhanizacyj u Biełarusi, a taksama mahčymaściami partyj paŭnavartasna ŭdzielničać u palityčnym žyćci krainy.
Pra heta zajaviła kiraŭnik rabočaj hrupy pa Biełarusi PA ABSIE, šviedski deputat Siesilija Vihstrom 22 śniežnia na pres‑kanfierencyi ŭ Minsku.
Pavodle jaje słoŭ, hałoŭnaj metaj vizitu delehacyi 20—22 śniežnia ŭ Biełaruś było ŭbačyć, jak raźvivajecca situacyja ŭ krainie. Delehacyja praviała šerah sustreč z pradstaŭnikami biełaruskich uładaŭ, hramadzianskaj supolnaści i palityčnych partyj. «Padčas sustreč my zaklikali biełaruskija ŭłady da raźvićcia i pašyreńnia dyjałohu ź mižnarodnymi arhanizacyjami, u tym liku z ABSIE, — skazała Vihstrom. — My vysoka cenim intensiŭny dyjałoh Biełarusi z ABSIE i inšymi strukturami pa palapšeńni demakratyčnych pracesaŭ, ale pavinny adznačyć, što jašče šmat nieabchodna zrabić».
Adnoj z važnych tem abmierkavańnia padčas usich sustreč byli papraŭki, niadaŭna ŭniesienyja ŭ Vybarčy kodeks Biełarusi, zaznačyła jana.
Pry hetym kiraŭnik delehacyi admoviłasia kamientavać ich. «Ja nie ŭpaŭnavažana heta rabić, tamu što my jašče nie atrymali poŭny tekst Vybarčaha kodeksa z papraŭkami.
My ŭsio jašče jaho čakajem. ABSIE i BDIPČ padali Biełarusi detalovy i poŭny śpis rekamiendacyj dla źmieny zakanadaŭstva. My spadziajemsia, što jany byli ŭličany», — skazała Vihstrom.
U svaju čarhu člen rabočaj hrupy, polski deputat Pavieł Pancyljuš adznačyŭ, što hetyja rekamiendacyja byli zrobleny ABSIE paśla nazirańnia za parłamienckimi vybarami ŭ Biełarusi ŭ 2008 hodzie. «Tady byli dźvie asnoŭnyja prablemy, jakija vyklikali zakłapočanaść, — rehistracyja kandydataŭ i padlik hałasoŭ. My rady adznačyć, što adna z hetych prablem (rehistracyja kandydataŭ) hetymi papraŭkami była vyrašana. My ŭsio jašče čakajem vyrašeńnie prablemy padliku hałasoŭ», — skazaŭ jon.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary