Namieśnik Adździeła vonkavych carkoŭnych znosin Maskoŭskaha patryjarchata ijeramanach Filip vystupiŭ suprać sprobaŭ pradstavić Stalina jak carkoŭnaha dabradzieja.
«Interfaks» cytuje list adździeła Vonkavych carkoŭnych znosin (VCZ) na imia staršyni kamisii CK KPRF pa vajskova‑patryjatyčnaj pracy Je.Kopyšavu:
«I.V.Stalin prynios hora miljonam ludziej. Našto ž chavać hetu praŭdu i rabić sa Stalina hieroja? Sproba pradstavić žorstkaha haniciela Carkvy vierujučym chryścijaninam i jaje dabradziejem niebiaśpiečnaja i moža prynieści duchoŭnuju škodu».
List nakiravany ad imia kiraŭnika Adździeła VCZ Maskoŭskaha patryjarchata archijapiskapa Vałakałamskaha Iłaryjona.
Raniej Je.Kopyšaŭ źviarnuŭsia da archijepiskapa ź listom, u jakim prasiŭ ijerarcha rastłumačyć jaho pazicyju adnosna roli asoby Stalina ŭ historyi, vykazanuju ŭ adnym ź intervju.
U svaim liście Je.Kopyšaŭ pisaŭ, što «sumnieńni ŭ praŭdapadobnaści» skazanaha ijerarcham prymušajuć jaho vystupić u abaronu «rabočych i sialan, ateistaŭ i vierujučych, jakija pad ściaham Lenina stvarali Saviecki Sajuz, pad kiraŭnictvam Kamunistyčnaj partyi na čale ź I.V.Stalinym pieramahli kaalicyju fašysckich krainaŭ Jeŭropy, uźniali krainu z ruinaŭ da vialikaj dziaržavy i pry hetym dbali pra svabodu sumleńnia kožnaha čałavieka».
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary