Usiaho patrochu11

Babka, vieraščaka i naliŭki: «Novaja Biełaruś» robić svoj hastrafest u troch krainach

Z 1 da 10 śniežnia projdzie pieršy Hastrafest ad płatformy «Novaja Biełaruś». Kab adznačyć dzień naradžeńnia inicyjatyvy, 11 biełaruskich baraŭ i restaranaŭ u Polščy, Litvie i Hruzii prapanujuć admysłovyja stravy, jakija možna budzie pakaštavać tolki ŭ hetyja dni.

Fota: prahrama «Novaja Biełaruś»

Polšča

Pačniem z Polščy — u hastrafeście prymaje ŭdzieł ažno vosiem baraŭ i restaranaŭ z hetaj krainy. Varšaŭski bar Karma (Aleja 3 Maja 15) prapanuje tradycyjnyja biełaruskija stravy z polskim akcentam. Heta babka Drwala (27 złotych) pad syram parmiezan sa smažanym faršam i z chrenavym sousam, a taksama sup «Žur pa-biełaaziorsku» (15 złotych) — śmietankovy bulon na žytniaj zakvascy z kaŭbaskami i hrybami.

Fota: prahrama «Novaja Biełaruś»

Inšy varšaŭski bar, Gigi (Oboźna 9), robić akcent na multykulturnaść. U ich možna budzie pakaštavać śmiorabrod pa-biełarusku (45 złotych) i kaktejl Dad joke z sakretnym inhredyjentam — buračnym chrenam.

Fota: prahrama «Novaja Biełaruś»

The Morning After (Varšava, Poznańska 7) miksuje biełaruskuju kuchniu ź italjanskaj u stravie pad nazvaj «Led cepieliny» (53 złotyja), a da jaje prapanuje kaktejl «Paleski kosma» (45 złotych) z zubroŭkaj i žuravinami.

Fota: prahrama «Novaja Biełaruś»

Na desiert možna zavitać u varšaŭskuju Kawiarnia Kakao (Grochowska 248). Tam za 15 złotych vas pačastujuć vialikakniaskim syrnikam z žuravinavym siropam — kažuć, da pačatku 20 stahodździa hety padobny da čyzkiejka piroh byŭ vielmi papularnym desiertam u šlachieckich i miaščanskich damach.

Fota: prahrama «Novaja Biełaruś»

Svoj sytny set jość u varšaŭskaha restarana Beer Station (Aleja Komisji Edukacji Narodowej 47). Jon maje nazvu «Smačna, jak u babulinaj chacie» i ŭklučaje čatyry stravy. Heta łuścieni z paštetam, špikam i faršmakam (20 złotych), hrybny krem-sup u chrumstkim chlebie (30 złotych), miasnaja mačanka ź blinami (30 złotych) i syrniki z chatniaha tvarahu (20 złotych).

Fota: prahrama «Novaja Biełaruś»
Fota: prahrama «Novaja Biełaruś»
Fota: prahrama «Novaja Biełaruś»
Fota: prahrama «Novaja Biełaruś»

Hdański bar Mirzam (Tandeta 1) dakazvaje, što biełaruskaja kuchnia moža być i viehanskaj. Ich strava na hastrafeście — viehanskaja mačanka sa «skvarkami» z vendžanaha tofu (27 złotych).

Fota: prahrama «Novaja Biełaruś»

A voś poznański bar Red Monkey (Strzelecka 20) zładziŭ «šlachietny ałka-set pa-emihrancku». Napoi tut takija: chatniaja zubroŭka (13 złotych), Tatanka Sour (25 złotych), Pushcha Express (27 złotych), Charny Tur (37 złotych), Krambambula (13 złotych), jahadnyja naliŭki (13 złotych).

Fota: prahrama «Novaja Biełaruś»
Fota: prahrama «Novaja Biełaruś»
Fota: prahrama «Novaja Biełaruś»

Restaran MY u Poznani sprabuje siabie ŭ kuchni biełaruskich rehijonaŭ. Jany prapanujuć mačanku «Jak u babuli z-pad Barysava» za 28 złotych: jaje admietnaść u tym, što mačanku hatujuć nie z rebrami, a z cełymi kavałkami śvininy, a ŭ sous dadajuć hryby. Da mačanki možna ŭziać źbicień ci krupnik pa-šlachiecku, abiedźvie pazicyi kaštujuć pa 15 złotych.

Fota: prahrama «Novaja Biełaruś»

Litva

U Litvie možna budzie dałučycca da hastrafestu tolki ŭ vilenskaj Karčma 1863 (Bokšto g. 2). Tam pryhatavali ceły «set staradaŭniaha ekstremista» ahulnym koštam 24,9 jeŭra. U jaho skład uvachodziać: «matulina zakuska» (11,9 jeŭra), vieraščaka ci mačanka ŭ harščečku ź blinami ci dzierunami na vybar (13 jeŭra) i šlachieckaja kava z šlachieckimi cukierkami (5 jeŭra). Set pryśviečany Vincentu Duninu-Marcinkieviču, i kožnaja strava ŭ im źviazanaja z žyćciom dramaturha abo ź jaho tvorčaściu.

Fota: prahrama «Novaja Biełaruś»

Hruzija

Pierabirajemsia ŭ hruzinski Tbilisi, dzie da hastrafestu dałučylisia ŭ dvuch barach. Pieršy ź ich, bar 5327° (Giorgi Kuchishvili 1), prapanuje samaje vialikaje mieniu siarod ustanoŭ-udzielnikaŭ festu. Tut jość «vieraščaka pa-kołasaŭsku» (20 łary), viehietaryjanskaja babka (15 łary), łuścieni z tvarožnaj pastaj, jałavičnym zapiečanym paštetam i faršmakam (18 łary), doška z sałam i saleńniami (15 łary), piečanyja jabłyki «Ź dziciačyja mary Kalinoŭskaha» (12 łary), źbicień (6 łary), krambambula (6 łary) i chrenavucha (6 łary).

Fota: prahrama «Novaja Biełaruś»

A kali ŭ vašych płanach prapuścić čarku-druhuju ź siabrami, u tbiliskim D20 (4 Amaghleba St) rychtujuć set «Byvaj, bahna rospačy». Za 26 łary vy atrymajecie try łuścieni z chatnim paštetam i try šoty — krambambula, ščaŭjevaja i žuravinnaja nastojki. Adznačym, što ščaŭjevuju nastojku ŭ hetym bary vynajšli sami — pasprabavali pakłaści ščaŭje nie ŭ sup, a ŭ harełku.

Fota: prahrama «Novaja Biełaruś»

2 śniežnia prajekt «Novaja Biełaruś» adznačyć svoj pieršy Dzień narodzinaŭ, tamu kožnaja strava padčas hastrafestu budzie padavacca sa śviatočnaj śviečkaj. Arhanizatary prosiać zadźmuć jaje i zahadać žadańnie dla Novaj Biełarusi. Možna źniać heta na fota ci videa, apublikavać heta z tekstam pažadańnia ŭ storys i adznačyć akaŭnt prajekta @newbelarus.official, a taksama akaŭnt bara, kaviarni ci restarana, dzie vy jaście hetuju stravu. U apošni dzień hastrafestu siarod tych, chto vykanaje ŭsie ŭmovy, abiacajuć razyhrać mierč. Tolki pamiatajcie pra biaśpieku, kali płanujecie viartacca ŭ Biełaruś, bo łukašenkaŭcy pryznali «Novuju Biełaruś» «ekstremisckaj».

A kali paŭdzielničać u hastrafeście mienavita 2 śniežnia, možna budzie jašče i atrymać «kamplimienty» ad prajekta. Dla hetaha treba być zarehistravanym karystalnikam prahramy «Novaja Biełaruś» i pry zamovie hastrafesnaj stravy pakazać aficyjantu vaš profil z unikalnym niknejmam. U kožnaj ustanovie padrychtujuć svaje «kamplimienty»: heta mohuć być źnižki, napoi, desierty, mahčymaść paŭdzielničać u rozyhryšy i h.d.

«Naša Niva» — bastyjon biełaruščyny

PADTRYMAĆ

Nakolki niebiaśpiečna jeści vostraje?

Siezon hranata pačaŭsia. Voś niekalki receptaŭ z hranatam, pra jakija vy nie padumali b

Trubačka ŭ karycy — češski trdzielnik. Hatujem doma: recept i sakrety

Kamientary1

  • Žvir
    28.11.2023
    O, vieraščaka! Maci niekali voś ža smačna hatavała vieraščaku, ad dziadoŭ majsterstva pieraniaŭšy. Z bulbianymi blinami, mienavita blinami, vializnymi, va ŭsiu patelniu. Nažal ja nie navučyŭsia, kali mały byŭ, u toj čas kala jaje jašče, tolki smak i pamiataju. I prasnaki, chleb, inšyja vypiakańni, siamiejnyja, niepaŭtornyja, ničoha ŭžo nie pavierniecca. Byli b siostry, moža i zachavałasia b toje-sioje, a chłopcam heta nie było cikava. Heta ŭžo z časam zrazumieli, kali ničoha ŭžo nia viernieš...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Čamu ŭ Biełarusi imkliva padaje naradžalnaść?13

Čamu ŭ Biełarusi imkliva padaje naradžalnaść?

Usie naviny →
Usie naviny

Bieły dom: vałodańnie ZŠA atamnymi elektrastancyjami Ukrainy budzie ich najlepšaj abaronaj11

Stali viadomyja novyja detali pieramoŭ Trampa i Zialenskaha

«Adnaznačna było strašna». Pamiežniki pažartavali z brytanskaha tyktokiera, jaki prasiŭ DNŽ u Kubrakova12

Dziaržynsk praz avaryju zastaŭsia biez haračaj vady i aciapleńnia1

«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT21

Tramp paviedamiŭ, što razmova ź Zialenskim prajšła «vielmi dobra»5

Aryna Sabalenka pakazała, jak hatavała svajmu brazilskamu bojfrendu draniki28

Futbolnyja lehijaniery z Afryki raskazali, jak im zachodziać stravy biełaruskaj kuchni2

Na ANT źniali film pra mytnika, asudžanaha za zdradu dziaržavie2

bolš čytanych navin
bolš łajkanych navin

Čamu ŭ Biełarusi imkliva padaje naradžalnaść?13

Čamu ŭ Biełarusi imkliva padaje naradžalnaść?

Hałoŭnaje
Usie naviny →

Zaŭvaha:

 

 

 

 

Zakryć Paviedamić