«Prapanujem 2000-2500 rubloŭ na ruki — zakryć vakansii niama kim». Biznes nie moža znajści rabotnikaŭ
«Vymušany padymać zarobki, navat kali za hetym niama ekanamičnaha abhruntavańnia», — dzielacca ŭ adnoj kampanii. Niedachop rabočych i kvalifikavanych śpiecyjalistaŭ adčuvajuć i ŭ dziaržaŭnych pradpryjemstvach.
U apytańni BEROC amal pałova (42,4%) pradstaŭnikoŭ biełaruskaha małoha i siaredniaha biznesu nazvali niedachop piersanału, u pryvatnaści kvalifikavanaha, asnoŭnaj prablemaj dla raźvićcia. Z červienia hety faktar ličać pieraškodaj numar adzin.
Na niedachop rabočych i śpiecyjalistaŭ u pryvatnym siektary ŭpłyvajuć dva asnoŭnyja čyńniki: masavaja mihracyja z krainy i demahrafičnaja jama.
Pa roznych danych, tolki za apošnija try hady ź Biełarusi źjechała nie mienš za 250 tysiač čałaviek. Takaja ličba ličyłasia aktualnaj prynamsi pa stanie na pieršuju pałovu 2023 hoda, ale hruntavałasia hetaja statystyka ŭ asnoŭnym na padstavie źviestak za 2022 hod, tamu ahulnaja ličba źjechaŭšych na biahučy momant moža być značna bolšaj.
Kali vieryć ličbam namieśnika ministra ŭnutranych spraŭ Mikałaja Karpiankova, ahučanym naprykancy listapada padčas vystupu ŭ vajskovaj čaści 3214, to paśla vybaraŭ 2020 hoda ź Biełarusi źjechała 350 tysiač čałaviek.
Pa acenkach ekśpiertaŭ BEROC, naša ekanomika straciła 7-8% ad kolkaści zaniatych.
Ekanamisty taksama źviartajuć uvahu na toje, što na situacyju nakładajecca prablema z demahrafijaj.
Ciapier na piensiju vychodziać ludzi šmatlikaha pakaleńnia, a na rynak pracy — naadvarot niešmatlikaje pakaleńnia ludziej, narodžanych u 1990-ja.
Pra kadravy hoład «Našaj Nivie» raspavioŭ pradstaŭnik bujnoj kampanii, jakaja zajmajecca aptovym handlem. Ź jaho słoŭ, pošuk novych supracoŭnikaŭ sapraŭdy staŭ adnoj z samych adčuvalnych prablem.
«Ciapier znajści rabotnika stała značna składaniej, čym 2-3 hady tamu. Adčuvajecca niedachop kvalifikavanych kadraŭ, praz heta my padymajem akład, ale heta nie asabliva dapamahaje, bo z anałahičnymi prablemami sutykajucca i našy biznesy, jakija taksama vymušany padymać zarobki, navat kali za hetym niama ekanamičnaha abhruntavańnia».
Surazmoŭca kaža, što ź ich kampanii pieryjadyčna zvalniajucca ludzi, jakija źjazdžajuć.
«Hieahrafija roznaja, u asnoŭnym jeduć u krainy ES, ale jość i tyja, chto vybraŭsia ŭ Štaty i navat u Rasiju», — kaža pradstaŭnik kampanii.
Pa jaho słovach, na biahučy momant u ich kampanii adkryta bolš za 10 vakansij, bolš za pałovu ź jakich z zarpłataj 2000-2500 rubloŭ na ruki, ale zakryć ich asabliva niama kim.
Niedachop supracoŭnikaŭ taksama adčuvajuć i dziaržaŭnyja pradpryjemstvy i ŭstanovy. Ale ŭ ich vypadku da prablem, vyklikanych mihracyjaj i demahrafijaj, dadajucca zvalnieńni niazhodnych i strohaja filtracyja pry pryjomie na pracu.
Pry hetym, jak pakazvaje praktyka, navat surjozny kadravy hoład, jak u vypadku ź niekatorymi padraździaleńniami RUP «Hrodnaenierha», nie padstava pierastać zvalniać niełajalnych režymu ludziej.
Ludzi, asudžanyja pa pratesnych artykułach, faktyčna hublajuć mahčymaść pracaŭładkavacca va ŭstanovy, jakija naležać dziaržavie.
Niadaŭna narada pa kadrach była ŭ Baranavickim harvykankamie. Raniej u žniŭni heta z udziełam pamočnika Łukašenki — inśpiektara pa Bresckaj vobłaści Valeryja Vakulčyka. Ale vyrašyć prablemu tak i nie atrymałasia, nie chavali čynoŭniki.
Zaŭvažny niedachop rabočych padćviardžajuć i danyja statystyki. Pa vynikach dzieviaci miesiacaŭ rynak pracy niedaličyŭsia 57,4 tysiačy rabotnikaŭ.
Kadravy hoład zakranaje samyja roznyja śfiery. Naprykład, miedycynu. U ahulnarespublikanskim banku vakansij ciapier 4859 prapanoŭ dla doktara-śpiecyjalista. U červieni 2022-ha takich vakansij było 3863.
Ułady prablemu nie admaŭlajuć, ale vyrašać jaje namahajucca mietadam puhi, naprykład, pavialičvajučy termin adpracoŭki. Dla biznesu heta moža značyć, što volnych pracoŭnych ruk stanie jašče mienš.
Chvala emihracyi ŭ 2021—2023 hadach — samaja vialikaja ŭ historyi Biełarusi. Ličby
Kamientary