U listapadzie ŭ Biełarusi siaredniaja tempieratura pavietra skłała 1,9 hradusa ciapła, što na 0,3 hradusa vyšej za klimatyčnuju normu. Maksimalnaja tempieratura listapada skłała 16,7 hradusa ciapła — jana była zafiksavana 1 listapada ŭ Homieli, paviedamili ŭ Biełhidramietcentry.
Za pieravyšeńnie normy adkaznaja pieršaja dekada miesiaca, kali narmalnaja siaredniaja tempieratura była pieravyšanaja na 4°C. Druhaja dekada adpaviadała normie, a apošniaja — była nižejšaja za normu na 3 hradusy.
Minimalnyja značeńni naziralisia na mieteastancyi ŭ Kličavie 28 i 29 listapada — 14,7 hradusa marozu.
Kolkaść apadkaŭ taksama pieravysiła narmalny ŭzrovień — na 87%. Pa vilhotnaści listapad 2023 hoda zaniaŭ treciaje miesca siarod hetych miesiacaŭ z 1945-ha.
Na 10 stancyjach na centralnaj i ŭschodniaj terytoryjach byli abnoŭlenyja histaryčnyja maksimumy pa apadkach za miesiac. U kancy listapada śniežnaje pokryva dasiahała 39 sm — na stancyi ŭ Jeziaryščy. Śnieh lažaŭ amal pa ŭsioj krainie, tolki na stancyi Hrodna śniežnaje pokryva adsutničała.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»15
Kamientary