Doŭh Biełarusi Rasii ŭ minułym hodzie skaraciŭsia, ale jana ŭsio adno napieradzie ŭsich ź vialikim adryvam
Doŭh Biełarusi pierad Rasijaj u 2022 hodzie skaraciŭsia na 0,26 młrd dalaraŭ, da 8,24 młrd. Takija źviestki Suśvietnaha banka pryvodzić RBK.
Ciapierašni top-5 daŭžnikoŭ rasijskaha ŭrada:
- Biełaruś — 8,24 młrd dalaraŭ,
- Banhładeš — 5,86 młrd),
- Indyja — 3,75 młrd,
- Jehipiet — 1,82 młrd,
- Vjetnam — 1,39 młrd.
Bolšaść zapazyčanaściaŭ pierad Rasijaj — heta «dziaržaŭnyja dvuchbakovyja pazyki», jakija ŭklučajuć kredyty ad urada. Amal usie jany praduhledžvajuć pahašeńnie praz hod i bolš.
Pa infarmacyi taho ž Suśvietnaha banka, na pačatku 2022 hoda najbujniejšymi daŭžnikami Rasii pa dvuchbakovych kredytach byli Biełaruś (kala 8,5 młrd dalaraŭ), Banhładeš (prykładna 4,4 młrd), Indyja (3,3 młrd), Vjetnam (1,5 młrd) i Jemien (pryblizna 1,2 młrd).
U 2023 hodzie Rasija śpisała zapazyčanaść krain Afryki na sumu, jakaja pieravyšaje 20 młrd dalaraŭ.
Kamientary