Доўг Беларусі Расіі ў мінулым годзе скараціўся, але яна ўсё адно наперадзе ўсіх з вялікім адрывам
Доўг Беларусі перад Расіяй у 2022 годзе скараціўся на 0,26 млрд даляраў, да 8,24 млрд. Такія звесткі Сусветнага банка прыводзіць РБК.
Цяперашні топ-5 даўжнікоў расійскага ўрада:
- Беларусь — 8,24 млрд даляраў,
- Бангладэш — 5,86 млрд),
- Індыя — 3,75 млрд,
- Егіпет — 1,82 млрд,
- В'етнам — 1,39 млрд.
Большасць запазычанасцяў перад Расіяй — гэта «дзяржаўныя двухбаковыя пазыкі», якія ўключаюць крэдыты ад урада. Амаль усе яны прадугледжваюць пагашэнне праз год і больш.
Па інфармацыі таго ж Сусветнага банка, на пачатку 2022 года найбуйнейшымі даўжнікамі Расіі па двухбаковых крэдытах былі Беларусь (каля 8,5 млрд даляраў), Бангладэш (прыкладна 4,4 млрд), Індыя (3,3 млрд), В'етнам (1,5 млрд) і Емен (прыблізна 1,2 млрд).
У 2023 годзе Расія спісала запазычанасць краін Афрыкі на суму, якая перавышае 20 млрд даляраў.
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала22
Каментары