Asoba Valeryja Kavaleŭskaha, namieśnika Śviatłany Cichanoŭskaj pa mižnarodnych spravach, była iraničnym prykładam, jaki biełaruskija analityki pryvodzili litoŭskim čynoŭnikam: «Kali vy vysyłajecie aficeraŭ zapasu, to treba pačynać z Kavaleŭskaha, u jakoha ŭ anamniezie i vajennaja kafiedra, i praca ŭ MZS». Žarty žartami, ale Kavaleŭski sapraŭdy pakidaje Litvu. Što zdaryłasia?
Jak stała viadoma «Našaj Nivie», ministr zamiežnych spravaŭ u Abjadnanym pierachodnym kabiniecie, dypłamat Valeryj Kavaleŭski, jaki apošnija try hady pracavaŭ pobač sa Śviatłanaj Cichanoŭskaj u Vilni, pakidaje Litvu.
Adbyvajecca heta na fonie pastražeńnia staŭleńnia Litvy da biełaruskich mihrantaŭ: novyja dazvoły na žycharstva nie vydajucca, a staryja nie praciahvajucca dla mnohich tych, chto niekali słužyŭ u Biełarusi ŭ dziaržaŭnych ci siłavych orhanach.
Ci nie adbyłosia toje ž samaje i z Kavaleŭskim? Jon budavaŭ karjeru ŭ biełaruskim Ministerstvie zamiežnych spraŭ, a taksama skončyŭ vajennuju kafiedru i technična źjaŭlajecca aficeram zapasu.
«Naša Niva» spytała heta prosta ŭ dypłamata. Jon kaža, što niuansy z dazvołam na žycharstva sapraŭdy jość, ale heta supadzieńnie.
«Moj pierajezd u Varšavu nie źviazany z dakumientami, choć heta i supała sa skančeńniem terminu dziejańnia litoŭskaha DNŽ.
Prajšło 3 hoda pracy ŭ Vilni — heta zvyčajny termin dla dypłamata ŭ adnoj stalicy.
U Varšavie znachodzicca bolšaja častka pradstaŭnikoŭ kabinieta, znachodžańnie ŭ adnym horadzie paspryjaje efiektyŭnaści supolnaj pracy. Mianiajecca horad, ale pry hetym maje abaviazki zastajucca niaźmiennymi», — skazaŭ Kavaleŭski.
«Albo vialiki honar, albo vialikaja hańba». Što adbyvałasia na kanfierencyi pałka Kalinoŭskaha pa stratehijach vyzvaleńnia Biełarusi
Što budzie z HUBAZiKam, biełaruskaj movaj i kali vybary? Demsiły ahučyli płan dziejańniaŭ paśla źmieny ŭłady
Valer Kavaleŭski abmierkavaŭ pahłybleńnie parłamienckaha supracoŭnictva ź Isłandyjaj
Kamientary