Chutka vybary ŭ Kaardynacyjnuju radu. A viedajecie, kolki tam zarablajuć?
Adkaz na pytańnie ździvić mnohich, bo nažycca ŭ arhanizacyi nie ŭdasca.
Vybary novaha składu Kaardynacyjnaj rady płanujucca ŭ sakaviku 2024 hoda. U struktury budzie 120 delehataŭ. Ich praca nie apłačvajecca.
«Siabry Kaardynacyjnaj rady nie majuć zarobku. Ni ja, ni vice-śpikierka, ni sakratar, — tłumačyć «Našaj Nivie» jaje śpikier Andrej Jahoraŭ. — Zarobak majuć tolki supracoŭniki sakrataryjatu i miedyjakamandy Kaardynacyjnaj rady».
Andrej Jahoraŭ kaža, što zarablaje hrošy na žyćcio inšym — ekśpiertnyja kantrakty, palityčnaja analityka, daśledavańni.
«Ludzi iduć u Kaardynacyjnuju radu, bo matyvanyja źmianiać palityčnuju situacyju sami, a nie prosta čakać, što heta chtości zrobić za ich, — razvažaje Jahoraŭ. — KR moža stać sapraŭdnym protaparłamientam, i ludzi bačać važnaść isnavańnia takoj haryzantalnaj placoŭki ŭ demakratyčnym ruchu».
Ahulny biudžet Kaardynacyjnaj rady składaje niekalki tysiač jeŭra na miesiac. U hetuju ličbu ŭvachodziać vydatki na miedyjakamandu i administravańnie.
Adzin ź siabroŭ Kaardynacyjnaj rady, jaki pažadaŭ zastacca ananimnym, adznačaje, što praca ŭ joj pieradusim imidžavaja.
«Šmat dla kaho heta mahčymaść atrymać dostup da zamiežnych partnioraŭ, uvahu z MZSaŭ zamiežnych dziaržavaŭ, deputataŭ nacyjanalnych parłamientaŭ i Jeŭraparłamientu», — tłumačyć jon.
Pa jaho słovach, dla delehataŭ jość i minusy. Jany traplajuć pad uvahu śpiecsłužbaŭ režymu Łukašenki, što pryvodzić da prablem na radzimie.
U listapadzie ŭ mnohich siabroŭ Kaardynacyjnaj rady adbylisia vobšuki pa mieście ich rehistracyi ŭ Biełarusi. Śledčy kamitet zajaviŭ, što pa tak zvanaj «spravie Kaardynacyjnaj rady» padazravanymi prachodziać bolš za 100 čałaviek.
Paŭnamoctvy dziejnaha składu Kaardynacyjnaj rady skančajucca 8 lutaha 2024 hoda. Bližej da hetaj daty i budzie kančatkova pryniata rašeńnie albo ab praciahu pracy ciapierašniaha sklikańnia, albo ab jaje prypynieńni da farmavańnia novaha składu KR.
Kaardynacyjnaja rada była stvorana ŭ 2020 hodzie dla arhanizacyi pracesu pieraadoleńnia palityčnaha kryzisu i zabieśpiačeńnia zhody ŭ hramadstvie, a taksama dla abarony suvierenitetu i niezaležnaści Biełarusi.
«Naša Niva» — bastyjon biełaruščyny
PADTRYMAĆHladzicie taksama:
Pieratrus adbyŭsia ŭ siabroŭki Kaardynacyjnaj rady Rozy Turarbiekavaj
Dziejačy kultury padviali vyniki hoda i dali prahnozy — vielmi supiarečlivyja
Jeŭrasajuz vydzielić 5 miljonaŭ jeŭra na padtrymku biełaruskaj kultury
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Kamientary
Žurnalisty, opublikujtie etu informaciju!!!